
Cinîyê Erebî: Bi felsefeyê Abdullah Ocalanî cinîyê Erebî aya bî  

2019-04-03 13:05:04


	&nbsp;

	Berçem Cûdî

	&nbsp;

	KOBANÊ - Cinîyê Erebî bi minasebetê rojbîyayîşê Rayberê PKKyî Abdullah Ocalanî ewnîyayîşê xo ardî ziwan û vatî ke ganî vera bindestî sere bêro wedarnayene.

	&nbsp;

	Rayberê PKKyî Abdullah Ocalanî 9ê Teşrîna Verêne serra 1998an de Sûrîye vejîya û 15 Sibata 1999an ame tepiştiş û teslîmê Tirkîya ame kerde. 2011an de heta nika hemverê Abdullah Ocalanî tecrîdkerdişê giran ame averşîyayîş. Keye û avûkatê ey nêeşkenê şêrê pêvînayîş. Cinîyê Erebî yê herêma Firatî bi wesîleyê rojbîyayîşê Rayberê PKKyî Abdullah Ocalanî ewnîyayîşê xo ard ziwan û vatî ke bi xêrê fikrê Abdullah Ocalanî raştîyê xo nas kerdî.

	&nbsp;

	'4ê Nîsane seba şaran pîroz bo'

	&nbsp;

	Endama Rêxistinê Kongreya Star ya qezaya Eyn Îsayî Tehanî Husêne qalê 4ê Nîsane kerde û wina va: "Rojbîyayîşê Rayber Apo temamê şarê azadîwaştan pîroz bo. Sewîyeya ke ewro cinî ci de yê bi xêrê fikr û felsefeyê Rayber Apo yo. Ma ewro eşkenê qalê heq û azadîya xo bikerê û rolêke çalak bi heme sazgeh û dezgehan de kay bikerê. Ma azadîya raşt zî ma şaş zî nas kerd. Ma zanê ke azadî mezgê merdimayî de ya."

	&nbsp;

	'Vera adetê kahn têkoşîn bikerê'

	&nbsp;

	Endama Sazgehê Keyeyê Şehîdan Emel Mustefa dîyar kerde ke tesîrê têkoşînî serê şarî esto û wina va: "Heta nika seba dewaya azadîya cinîyan tu felsefe aver nêşîyo. La Rayber Apo no bi ca ard. Vera koletî cinîyê bindest sere wedarnayî. Nika bi felsefeyê ey ciwîyenê. Seba temamê cinîyan zî Rayber Apo cigêrayîşêke bi. Bi taybetî cinîyê Ereb seba adetê kan fetisyabî. Ganî cinî êdî keyeyê xo ra vejîyê û vera musayîşê komelê xo bivurnê. Ma cinîyê Kurd nêzdîyê bi nê rengî qebul nêkenê û vera nê têkoşîn bikerê."

	&nbsp;

	'Fikrê serekî ra tersenê'

	&nbsp;

	Emele qiseykerdişê xo de bale ante serê tecrîdê vera Rayberê PKKyî Abdullah Ocalanî û wina va: "Ganî sere de cinîyê kurd û heme cinîyê dinya vera tecrîdî wirzê serê lingan. Heme dewlete fikrê serekî ra tersenê. Seba îqtîdar fikrê ey xeter vînenê. Eke cinî azad bibê do komel zî azad bibê, la eke cinî bindest bê do cuye zî bindest bo."

	&nbsp;