
Margaret Owen a 86 serrîye, vera tecrîdî dest bi grevê vêşanîye kena 

2019-04-02 14:04:24


	&nbsp;

	MERKEZÊ XEBERAN - Avûkata heqanê merdiman Margaret Owene, tecrîdî ver, ewro dest bi grevê vêşanîye kena.

	&nbsp;

	Avûkata heqanê merdiman Margaret Owene, ronayoxa Înîsîyatîfê Kurdîstan de Haştîye û dîrektorê "Vîyayê Bi Rayîrê Demokrasîyî Aşitîye" ya û seba ke bale biancîyo grevê vêşanîyan û seba ke tecrîdê serê Rayberê PKKyî Abdullah Ocalanî bêro wedaritene ewro dest bi grevê vêşanîye kena. Margarete 86 serrîye verî ra nat seba heqanê Kurdan têgêrena. Mergarete vana Tirkîya Kurdan rê zulim kena û Îngilîstan zî paştdarîye dano Tirkîya û ez na rewşe qebul nêkena û mi rê zaf giran yena.

	&nbsp;

	'Weşîya çalakgeran ameya sewîyeyêke krîtîk'

	&nbsp;

	Peace yê Kurdistanî zî derheqê tecrîdî de îzahetêke wina dabî û wina vatî: "Abdullah Ocalan hetê Tirkîya û îstîxbaratê DYA’yî ra bi operasyonê mîyanneteweyîyî 15’ê Sibate 1999 de Kenya ra ame remnayene û Ocalan o tarîx ra nat binê tecrîdî de yeno girewtene. Serra 2011’î ra nat avukatî nêeşkenê ey bivînê û 2015’î ra nat tena di dolimî tede pêvînayîşî ameyê kerdene. Tirkîya bi nê polîtîkayan hem hîqûqê xo binpay kena û hem zî Peymana Heqanê Merdiman a Ewropa îhlal kena.

	&nbsp;

	Îzahat de ame dîyarkerdiş ke çalakîya grevê vêşanîye bi beşdarbîyayîşê, Alî Poyraz, Nahîde Zengîne û Mehmet Yilmaz, Merkezê Komel ê Kurdan o ke adresa 11 Portland Gardens, Harringay, London N4 1HU de grevê vêşanîye de yê û Margaret Owene zî do 2’yê Nîsane de beşdarê na çalakîye bibo.&nbsp;

	&nbsp;