
Wan de vengdayîşê seba selahîyetdaran: Ganî Tirkîya huqûqê xo bi ca bîyaro 

2019-03-30 10:04:14


	&nbsp;

	WAN - Cinîyan seba grevê vêşanîye ya ke bi amancê wedartişê tecrîdê serê Rayberê PKKyî Abdullah Ocalanî ameyî destpêkerdiş, vengdayîşê piştdayîşî kerdî û selahîyetdaran ra wina vatî: "Ganî Tirkîya huqûqê xo bi ca bîyaro. Çîyê ke selahîyetdarî bikerî bêvengî nîya, ganî wa peynîya tecrîdî bîyarê."

	&nbsp;

	Çalakîya grevê vêşanîye ya hemsereka KCD û parlamentera HDPyî ya Colemêrgî Leyla Guvene ke bi amancê tecrîdê Rayberê PKKyî Abdullah Ocalanî ser o bêro wedartiş dest pêkerde, roja 143in de dewam kena. Dimayê Leylaye xeylê welatan û heme zindanan de bi eynî waştişî grev ameyî destpêkerdiş. Cinîyê ke piştdayîş dayî xoverdayîş veng dayî ke ganî na bêvengî bêra xirakerdene.

	&nbsp;

	'Heta tecrîd nêro şiktiş azadî çin a'

	&nbsp;

	Cinîya bi nameyê Belkiza Abî arde ziwan ke heta tecrîd nêro şiktiş nêeşkena qalê demokrasî û azadî bikerê û wina va: "Heta tecrîd Rayberê me ser o nêro şiktiş şarê ma nêeşkeno azad bibo. Do welat de hizur çinbo. Êdî wexto ke bêro vindîkerdene nêmend o. Ganî cinî tecrîd bişiknê. Ma do heta ça sey koleyan biciwîyê."

	&nbsp;

	'Çapemenî zî nêvînena'

	&nbsp;

	Cinîya bi nameyê Şukran Dumane zî da zanayîş ke çapemenîya hetgir e grevê vêşanîye nêvînena û wina va: "Grevê Leyla Guven bi 143 rojî dewam keno. Heme zindanan de bi hezaran kesî grev de yê, la ti televîzyon înan nêdano ci. Tena televîzyonanê Kurdan de yenê vînayene. Leyla Guvene seba ameyoxê ma kewte grev. Ganî tecrîd peynî bibo. Çîyo ke selahîyetdarî bikerê bêvengî nîyo, ganî peynîya tecrîdî bîyarê.”

	&nbsp;

	Cinîya bi nameyê Bahar Orhane zî arde ziwan ke ganî Abdullah Ocalan bi keye û avûkatanê xo dir bieşko pêvînayîş bikero û wina va: "Ganî Tirkîya huqûqê xo bi ca bîyaro. Ma nêwazenê grev bi merdişan netîce bibo. Nê waştişî meşrû yê."

	&nbsp;