Şarî ra vera Beştepeyî reaksîyon: Şima ma nan ra zî kerd hizur ra zî kerd!  

2019-03-30 09:58:16


	 

	
		AMED - Amedîyan dîyar kerdî ke seba polîtîkayê şaş yê hukmatî feqîrî û betalî kewta sewîyeya tewr pîl û wina va: "Şima ma nan ra zî kerd şima ma hizur ra zî kerd. Beştepe ganî bi tabloyê ke yeno ciwîyene serberz bo."
	
		 
	
		Goreyê dayeyê Sazgehê îstatîstîkê Tirkîya (TUÎK) hûmara betalî wextê Kanûne de goreyê serra vîyarte eynî aşme mîlyonêke û 11 hezar zêde bî û betalîyê ke 4 mîlyon derbaz kerd zî resa sera 13,5.
	
		 
	
		Amedîyê ke germbîyayîşê hewayî dir îmkan dîyî û xo eştî parkan. Ma seba ke nebzê şarî bigîrê şî Parka Koşuyolû û çîyo balkêş o bi ke parke zaf qerebalix bî.
	
		 
	
		Kendal Doganî va seba betalî xeylê rey wextê xo bi embazanê xo yê betalan dir derbaz keno û va: "Rewşa ekonomîye merdim eşkeno şarê ke parkan de ronişnenê bivîna. Ne keyeyê mi û ne zî mi heta nika ma dewlete ra tu xizmet nêdîyo. Sebebê nê zî o yo ke wextê muracatê kar de bêtudîştî yenokerdene. Bifikrê welatêke de têduştî çin o. Gelo do merdim senîn no welatî de bixebityê. Seba rewşa ma ya ekonomî çinbi mi fek wendegehî ra vera da. Seba krîz ma nêeşeknê kar bivînê."
	
		 
	
		'Beştepe bi tabloyê ke yenê ciwîyene ganî serberz bo'
	
		 
	
		Botan Doganî zî va keyeyo ke bi embazanê xo dir maneno, şertê zehmetan de ciwîyeno û va: "Ma nêeşkenê lazimîyê xo zî bi ca bîyarê. Vayîye xidayan zaf bîya zêde. Verê ma bi hakan pîzeyî xo mird kerdêne. La dimayê ke vay bi ma lîsteyê xo ra vet. Ma bi zeytunan xo mird kenê. Kîloyêke firingî bîya 10 TL. Ez eşkena vajî ma vêşanê. Eke welat de têduştî, edalet bibayne rewşa ma zî wina nêbîne. Heta rewşa welat wina bo ma do betal bê. Beştepe ganî bi tabloyê betalî serberz bo."
	
		 
	
		'Gelo no meşrû yo?'
	
		 
	
		Ayşe Ernekone zî bale ante serê betalî û va ke sebebê pirrkerdişê parkan zî betalîya û wina va: "Betalî roj bi roj zêde bena. Cuye vay bîya. Vayîya sebzeyan gramê zerdî derbaz kerdo. Gelo no çîyo ke şarî rê yeno kerdene meşrû yo?"
	
		 
	
		Ayşe Yildize zî kesê ke unîversîta qedênayê û betalî arde vîr û wina va: "Ez ciwanê ke unîversîte qedênayê û vengê fikrîyena. Ez ameyoxê înan rê bi endîşe ya. Ma şawenê wendegahan la ma zanê ke netîce çîyo. Ma hem nanê ma ra hem zî hizurê ma ra kerdî."
	
		 
	
		Abdullah Ocalanî zî da zanayîş ke o rewşa welat qet baş nêvîneno û va heme çîyê ke yenê ciwîyene hukmat berpirsîyar o, seba bêhîsgrîyê selahîyetdaran merdimî ameyê na rewşe.