Reyna nêverdayî ke keyeyî şêrê Îmralî 

2019-03-29 15:21:03


	 

	STENBOL- Muracatê pêvînayîşî yê keyeyê Rayberê PKKyî Abdullah Ocalanî û hîrê keyeyanê tepişteyanê bînan ê ke Îmrali de yê ke Serdozgerîya Komare ya Bûrsa rê amebi kerdene ame redkerdene. Hetê bînî ra muracatê avûkatan ê 802ine zî ame redkerdene.

	 

	Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali bi rayîrê avûkatan muracatê Serdozgerîya Komare ya Bûrsa kerd, la waştiş ame redkerdene. Muracato ke hetê birayê Hamîlî Yildirimî Polat Yildirim, birayê Omer Hayrî Konar Alî Konarî û waya Veysel Aktaşî Sabîha Aslane ra amebi kerdene zî nêame qebûlkerdene.

	 

	Sebebê redkerdişê muracatan ê hetê dozgerîye zî madeyê ‘sînorkerdişê derheqê tewqîfkerdeyan de’ yê ‘Qanûnê bi Hûmara 5275î yê Derheqê Înfazê Tedbîranê Ceza û Asayîşî’ ame ramotene.

	 

	Hetê bînî ra  muracatê pêvîanîyîşî yê 802’ine yê avûkatanê Rayberê PKKyî Abdullah Ocalanî Rezan Sarica, Cengîz Yureklî, Newroz Ûysale û Faîk Ozgur Erolî zî ame redkerdene.