Hepsîyê ke grevê vêşanîye de yê: Ma do qetî serkewte bibê 

2019-03-29 13:37:09


	 

	MERKEZÊ XEBERAN - Hepsîyê ke bi amancê prostestokerdişê tecrîdî kewtî grevê vêşanîye ya bêdem û bêagerayîş bi hetkarîya keyeyanê xo mesajêke eşrawitî û vatî: "Çi destê ma ra bêro ma heta peynî amadeyê ke bikerê. Ma do qetî serkewte bibê."

	 

	Grevê vêşanîye bi amancê protestokerdene tecrîdî Rayberê PKKyî Abdullah Ocalanî ke zindanê herêman û Tirkîya de ameyî destpêkerdene dewam kenê. 1ê Adare ra dima bi hezaran hepsî kewtî grevê vêşanîye û bi hetkarîya keyeyanê xo mesajêke eşrawitî û vatî heta waştişê înan nêrê qebulkerdiş do dest bi çalakîyanê xo ra vera nêdê.

	 

	'Çi destê ma yeno ma amedê ke bikerî'

	 

	Huseyîn Bîlge yo ke bi Zulkuf Gezenî dir zindanê  Tîpê T yê Hûmara 2 yê Tekîrdagî de rojê vîyarte de vera tecrîdî peynî cuya xo arde, eynî zindanî de yo. Huseyîn bi hemkarîya keyeyê xo mesajê ke şawit wina va: "Ma pey dewa yê. Ma seba na dewa amade yê ke heta peynî xo ver bidê. Meşaleyê hevalê Zulkuf girewto xoverdayîşê ma xurt kerd. Çi beno wa bibo, ma seba nê amade yê. Çi bikewo serê milanê ma, ma do bikerî. Ma do heta peynî dewam bikerî. Heta ke waştişê ma bi ca nêrê ma do dewam bikerî. Ma baş zanê ke do se bibo. Çi beno wa bibo ma do serkewte bibê."

	 

	'Moralê ma weşîya ma ra twer baş o'

	 

	Hepsîyo bi nameyê Vedat Duyuşo ke zindanê Tîpê E yê Mêrdînî de yo û 5ê Çele ra heta nika grevê vêşanî de yo zî mektube ke şawit de dîyar kerd ke weşîya înan baş nêbo zî, moralê înan baş o û wina vatî: "Moralê ma zaf zêde yo. Ma baş ê. Şima zanê; ma qasê ke bimrê cuye ra hes kenê. Coka do grevê ma heta peynî dewam bikero. Hevala Medya vera tecrîdî peynî cuya xo arde, amancê nê xoverdayîşî dayo meydan. HEm ma û hem zî şarê ma seba cuya xo fek têkoşîn ra vera nêdanê. Weşîye ma baş nîya la moralê ma berz o. Çîyê ke ma nêeşkeno peyser game bido eştiş. Ma do qetî serkewte bibê."

	 

	Kesêke nêeşkeno gama ma peyser bido eştene

	 

	Hepsîyê bi nameyê Samî Ozturk, Abdullah Oaral û Bahoz Ozer yê ke 90 rojî yo zindanê Buca Kiriklarî de grev de yê bi hemkarîya keyeyan mesajêke şawitî û dayî zanayîş ke çi beno wa bibo heta peynî fek xoverdayîşê xo ra vera nêdanê û vatî: "Ma tîya xo ver danê. Ma do heta peynî têkoşîn bikerî. Kam vano wa vajo do game ma peyser nêdê eştiş. Het awaştişê ma nêrê qebulkerdene, heta tecrîd nêwedarnê do têkoşînê ma dewam bikero."