'Ma do seba îradeya xo sindoqan bipawê' 

2019-03-29 13:12:14


	 

	ENQERE - Îdarekera HDPyî ya Enqereyî Betul Koca dîyar kerde ke îradeyê şarî sindoqan ra vejîyeno, asayîşê sindoqan zaf girîng o û wina va: "Weçînayîşê verê de zaf hîle ameyî kerdene. No semed ra zî ganî weçînitoxê ma yê hîsgêr wendegehan de wezîfe bigîrê û bibê muşahîd.”

	 

	Weçînayîşê herêmî re wextêke kilm mend û HDPyî veng da pêro welatîyan kerd ke wayîrê îradeyê xo û sindoqan vejîyê. Îdarekarê HDPyî ya Enqereyî Betul Koca arde ziwan ke seba feyde xebatê ke meşnayê bigîrê ganî her kes wayîrê sindoqan vejîyo.

	 

	'Ma do şaredarîyê tebîî û şarpawitox awan bikerê'

	 

	Betule arde ziwan ke ê bi ferasetê ‘HDP şar o, şaredarîyan şarî rê akenê' kewtê rayîr û va ê weçînayîşê ameyoxî sey akerdişê berê demokrasî gênê dest. Betule da zanayîş ke bi stratejîyê yewîya hêzî ê bajarê rojawanî xebatê weçînayîşî dayî meşnayîş û wina va: "Ma xebatan de ber bi ber geyrayî û ma planê xo vatî. Ma ewro şaredarîyan ewnîyenê ke şaredarî serê beton û rantî xebityenê. Ferasetêke şaredarîya ya tebîî qetil kena, heywanan nas nêkena, bi sîstemê serdest yê camêrdan meşnena û sektorê înşatî akerda. Ma vera nê ferasetî şaredarîyêke şar û xoza pawena bi kerê cuye."

	 

	'Ma hêzê xoser ê şarî hedef gênê'

	 

	Betule dewam de wina va: "Coka ma şaredarî esasê serekeyî de nêgirewt dest. Ma tewr zêde îdareyê herêmî hedef kenê. Ma wazenê ramojnê ke qerar bi şarî dir o û şaredarî xo spernenê hêzê xoser ê şarî."

	 

	Betule tewr peyîn qiseykerdişê xo de va do xebatê weçînayîş û perspektîfo ke dayê meydan do sindoqan ra vejîyê û wina va: "Weçînayîşê verê de zaf  hîle ameyî kerdene. Coka ganî weçînitoxê ma bi hîsgêr wendegan de wezîfe bigîrê û bibê muşahîd.”