
Netîceyê operasyonê leşkerî de şikeftê tarîxî ameyî rijnayene  

2019-03-28 15:27:47


	&nbsp;

	AMED - Operasyonê eskerî yê ke qezayanê Farqîn, Hezro, Lîcê û Pasûrî yê Amedî de virazîya de eskeran eştî serê xeylê keyeyan, hezar û 123 kesan kontrolê GBTyî ra derbaz kerdî û şikeftanê tarîxî rijnayî

	&nbsp;

	Herêmanê çolterî yê qezayanê Amedî de operasyonê eskerî zêdîyayî. Operasyonê eskerî yê ke qezayanê Farqîn, Hezro, Lîcê û Pasûrî yê Amedî de virazîya de eskeran eştî serê xeylê keyeyan, hezar û 123 kesan kontrolê GBTyî ra derbaz kerdî û şikeftanê tarîxî rijnayî. Operasyonê eskerî 25ê Adare ra nata dewam keno. Ame dîyarkerdene ke operasyonê eskerî ke bi tewrbîyayîşê yewîya taybet û qorîcîyan destpêkerdî, saetanê şewe de peynî bî.

	&nbsp;

	&nbsp;Ame vatene ke yewîya taybet û qorîcîyan tewrê operasyonî bîyî, teyare, Mekanîkê Hewa yê Bêmerdim (ÎHA) û Mekanîkê Hewa yê Bêmerdim û Çekin (SÎHA) zî ameyî xebetnayene. Çolter û gomê qezayan de sereştiş virazîya, kontrolê GBTyî ra hezar û 123 kesî derbaz kerdî û nuqtayanê cigêrayîşî de hemwelatîyan kontrolî ra derbaz kerdî.

	&nbsp;

	Operasyonê leşkerî de şikeftan bi îdîaya ‘HPGyî sey stargeh xebetnenî’ bombe kerdî.&nbsp;

	&nbsp;