
Huda Kaya: Merdimayî do nê îqtîdarî bi şerm bi vîr bîyaro 

2019-03-28 15:03:32


	&nbsp;

	Rengîn Azîzoglu

	&nbsp;

	STENBOL - Verfeka DÎKî Huda Kaya, da zanayîş ke huqûqê Îslamî de cenazeyê dişminan zî ganî destnêdayene esto û va: "Îqtîdarê AKPî verê nê zulmî de sey îqtîdarê ke cenaze zî remnayo derbaz bi. No îqtîdar do rojêke çin bibo û şêro. Do merdimayî zzî bi lerm no îqtîdar bîyaro xo vîr."

	&nbsp;

	Heqê definkerdene cenazeyan û heqê şîngirewtene heqê tewr sereyîn ê merdimayî yo û no zî xeylê rey Tirkîya de ameyo îhlalkerdene. Tirkîya de cenazeyê Sêx Saîd û hevalanê ey zî dimayê ke ameyî dardkerdene, ameyî remnayene û cayêke nînê zanayene ameyî definkerdene. Aqûbetê Seyîd Riza û hevalanê ey zî bi eynî hawa bi.

	&nbsp;

	Cenazeyê bi hezaran kesê ke şerê vera PKKyî de ame meşnayene de cuya xo vindî kerdî zî keyeyanê înan ra ameyî remnayene û gorm komî yan zî ê bêkesan de ameyî definkerdene. Serrê peyînan de zî bi desan goristan ameyî bombarduman kerdene, rijnayene û bê keyeyan gor ameyî akerdene û cenazeyî ameyî remnayene. Eynî wextî de prosesê qedexeyê tebervejîyayîşê kuçeyan de zî cezaneyê xeylê kesan bi rojan erd de mendî û dolaba qeşayî de ameyî nimtiş.

	&nbsp;

	Tewr oeyîn zî cenazeyê Zulkuf Gezen, Ayten Beçet, Zehra Saglam, Medya Çinare zî teslîmê keyeyan nêame kerdene û nîmeyê şewe ameyî eşrawitiş, nêverdayî ke kes beşdarê cenazeyan bibo.

	&nbsp;

	'Sey îqtîdaro ke cenaze remnayo derbazê tarîx bi'

	&nbsp;

	Verfeka Kongreya Îslamî ya Demokratîke, Namzeda hemşadarîya HDPyî ya Bagcilar ê Stenbolî Huda Kaya, reaksîyon nîşanê rewşe da û da zanayîş ke huqûqê îslamî de cenazeyê dişmina zî bibo ganî destnêdayîşê înan esto.

	&nbsp;

	Hudaye wina va: "Wareyê şer de zî çi serkewte bibo, cenaze hetê hetgiran ra yenê girewtene. Her kes goreyê bawerîya xo merasîmê cenaze organîze keno. Muşrîkê Mekeyî zî dest nêdayî cenazeyan. Îqtîdarê AKPî zulmê ke meşneno, cenazeyan remneno, bi hawayêke korsanwarî defin keno. AKP bi nê caardişan derbazê tarîxî bi. Vernêde goristanan bomba kerd, îbadetxaneyan rijna, cenaze bi erd ra kaş kerdî, viran teşîr kerdî. Nê çî êdî sîcîlê înan de bi c bîyê. Hesabê nê zî do rojêke bêro perskerdene. No şerm o, do na lekeya sîya do rîyê înan de bimano. Merdimayî do îqtîdar bi şerm bi vîr bîyaro."

	&nbsp;