Namzedê HDPyî yê Çewlîgî projeyanê xo eşkera kerdî 

2019-03-25 15:27:41


	 

	ÇEWLÎG - Namzedê Hemşaredarîya Çewlîgî Senem Çakase û Hîşyar Ozsoyî rojnamegeran reyde kombîyayîşêk viraştî û projeyanê xo eşkera kerdî

	 

	Namzedê Partîya Demokratîke ya Şaran (HDP) yê Hemşaredarîya Çewlîgî Senem Çakase û Hîşyar Ozsoyî rojnamegeran reyde kombîyayîşêk viraştî û projeyanê xo eşkera kerdî. Kombîyayîş de namzetê şaredarîye Hîşyar Ozsoyî derheqê projeyanê xo de qisey kerd û va: “Weçînitişê Herêmî rê hewteyêk mend. Ma umid kenî kenî ke bê qeza û bela derbaz bibo. Eke ma qezenc bikerî, ma do projeyanê xo yew bi yew pê bîyarî.”

	 

	Ma wazenê têduşt bê

	 

	Namzeda Hemşaredarîye Senem Çakase zî derheqê projeyanê xo de qisey kerde û va: “Ma heme çî ra ver wazenê ke îradeya cinîyan vejîyo raşte. Ma wazenê cinî ferqê hêz û zanayîşê xo de bî. Hukmat bi pereyan cinîyan qoncikêk de girê dayo. Seba ke cinî xo aver bibî û bêrî têhet, ma do komeleyan û cayan awan bikerî. Ma heme seyyesînan î û ma wazenê seyyewbînan bimanî.”

	 

	Projeyê namzedê HDPyî yê Çewlîgî wina yî

	 

	* Ma do meclîsê bajar awan bikerî. Meclîsê bajar do meclîsê tax, cinî, ciwan û şarî rap ê bêro. Do derheqê xo û herêma xo deqeraran bidî. Do nê qeraran pîya bigîrî.

	 

	* Ma do şaredarîya xo bi şaredarîya Ewropa û Amerîkaya Bakûrî reyde way û biratîye aver bibî. Ma do Yewîya Ewropa ra çimeyê fînansî bigîrî û butçeya şaredarî xurt bikerî.

	 

	* Ma do taxê kulturî awan bikerî. Ma do projeyê bedilnayîşê bajarî lez bikerî û goreyê lazimîyan bedilnayîşan bikerî.

	 

	* Ma do 2 milê bajarî de pazara semtî awan bikerî. Pazaran de do beradişê dewan bêrî rotiş.

	 

	* Ma do problemê trafîkî çareser bikerî. Ma do planê Master yê Trafîkî bikerî merhela.

	 

	 * Ma do otoparkanê ercanan yê zafqatin virazî.

	 

	* Ma do tewr kêmî 5 herêman de kreşanê zaf ziwanin û zaf kulturin bikerî dewre.

	 

	* Ma do bi ziwanê kurmancî û kirmanckî raşteyê kultur û hunerî de kargerîye, konferans, festîval û tîyatro aver bibî.

	 

	* Do her kreşê ke bêrî awankerdene de xizmetê spor û perwerdeyî bi ziwanê tirkî, kirmanckî û kurmancî bêrî dayene.

	 

	* Seba pakîya vewre ma do yewîyanê profesyonelan awan bikerî.

	 

	* Ma do bi heme hêz û rêxistinê komelî yê bajarî reyde qeraran pare bikerî û pîya rayîr bibî. Ma do nê hêzan reyde hemverê feqîrî û betalî de têkoşîn bidî. Ma do lazimîyê kinc û werdê pîya tespît bikerî.

	 

	* Ma do Mudirîyeta Koordinasyonê Cuya Bê Asteng ya şaredarî awan bikerî.

	 

	* Seba ke ma problemanê cinîyan bi esasî çareser bikerî, ma do Mudirîyeta Polîtîkayê Cinîyan awan bikerî. reyna ma do seba înan yewîyanê perwerdeyî awan bikerî.

	 

	* Do tewr kêmî 5 nuqtayê keyeyê şînî yê cinîyan bêrî viraştene.

	 

	*  Meclîsê ciwanan do rêxistinanê komelî reyde bixebetîyo û hemverê tiryak û întîharê ciwanan de têkoşîn bikero.

	 

	* Ma do Unîversîteya Bingolî reyde parekerdişan bikerî û ciwananê xo dinya de bidî şinasnayene. Ma do programanê averberdişê komelî xurt bikerî.

	 

	* Ma do yewîyanê weşî yê gêrayoxan awan bikerî.