
Cenazeya Ayten Beçete binê ablûqaya eskeran de ameye definkerdene 

2019-03-24 15:49:36


	&nbsp;

	DÎLOK - Polîsê ke dest ronayî cenazeya Ayten Beceta ke semedê wedarnayîşê tecrîdê serê Rayberê PKKyî Abdullah Ocalanî cuya xo peynî kerde, şert rona verê keye û va ‘tewr zêde 5 kesî eşkenî tewrê merasîmê cenaze bibî.’&nbsp;

	&nbsp;

	Cenazeya Ayten Beceta ke semedê wedarnayîşê tecrîdê serê Rayberê PKKyî Abdullah Ocalanî cuya xo peynî kerde, bi tewrbîyayîşê dayîk Fatma Beçet, pî Sabrî Beçet û sewbîna 20 kesî lêmê sibayî de û binê ablûqaya eskeran de ameye definkerdene. Polîsê ke dest ronayî cenazeya Ayten Beceta ke Zindanê Cinîyan yê Gebze de semedê wedarnayîşê tecrîdê serê Rayberê PKKyî Abdullah Ocalanî cuya xo peynî kerde, şert rona verê keye û va ‘tewr zêde 5 kesî eşkenî tewrê merasîmê cenaze bibî.’&nbsp;

	&nbsp;

	Polîsan bi telefon keye gêrayî vatî tewr zêde 5 kesî eşkenî bêrî teyaregeh û cenaze teslîm bigîrî. Polîsan sewbîna keye rê vatî, eke ê bi girseyî şêrî di cenaze nêdî înan. Keye ferzkerdişê polîsan qebûl bêkerd. Polîsan saetanê şewe lêmê sibayî de cenaze ard teyaregehê Dîlokî û binê ablûqaya eskeran de defin kerd. dayîk û pîyê Ayten Beçete seba teslîmgirewtişê cenazeya kênaya xo şîbî Stenbol û dima ra rayîr de pê hesîyayî ke cenaze remnayî.&nbsp;

	&nbsp;

	Keyeyî nêeşkayî karê definkerdişî bikerî

	&nbsp;

	Badê hesîyayîşî dayîk û pî Anqara de ameyî war û reyna agêrayî Dîlok. Pî wexto ke agêra Dîlokî şî goristanê Yeşîlkentî yê Dîlokî. Polîsan destûr nêdayî ke keye cenaze bero keye û raşte raşt berdî goristan. Parlementerê HDPyî Mahmut Togrul, Ayşe Surucu, Omer Ocalan, Fatma Kurtulan, Ridvan Turan, Tulay Hatîmoglulları, Salîha Aydenîz, Semra Guzel û dayîk Fatma Beçet û merdimê înan waştî ke derbazê goristanî bibî. Polîsê ke tax bi wesayîtan kerdbî binê ablûqa parlementeran asteng kerdî. Badê munaqeşeya polîs û parlamenteran, keye û parlementerî şîyî goristan. Keye û parlementerî wexto ke şîyî goristan rayîr de vernîya înan ame tepiştiş û fermandarê cendirmeyan dîyar kerd ke înan rê ferman ameyo ke parlementeran nêeşkenî derbazê goristan bikerî.&nbsp;

	&nbsp;

	Badê munaqeşeya parlementer û eskeran tena seba dayîk Fatma Beçet, pî Sabrî Beçet û sewbîna 20 merdimê înan rê destûr ame dayene ke tewrê merasîmê cenaze bibî. Cenazeya Aytene bi tewrbîyayîşê dayîk, pî û 20 merdimê înan saetê şewe de lêmê sibayî de maeye definkerdene. Keye waşt ke keyeyê şînî yê Şaredarîya Şahînbeyî de tazîyeya kênaya xo rono, la şaredarîya AKPyî destûr nêda. &nbsp;&nbsp;