'Çalakîya Zulkufî seba ma vengê xoverdayîşî yo’ 

2019-03-23 14:58:27


	 

	AMED - Cuneyt Aslano ke Zindanê Tîpa Dyî yê Amedî de 97 rojî yo seba wedarnayîşê tecrîdê serê Rayberê PKKyî Abdullah Ocalanî grevê vêşanîye de yo bale ant çalakîya Zulkuf Gezenî ser û va: “Çalakîya Zulkuf Gezenî seba ma vengê xoverdayîşî yo.” 

	 

	Çalakîyê grevê vêşanîye yê bi hezaran hepsîyanê sîyasîyan ke seba wedarnayîşê tecrîdê serê Rayberê PKKyî Abdullah Ocalanî dîyayî destpêkerdenen dewam kenî. Nê hepsîyan ra yew zî Cuneyt Aslan o. Cuneyt Aslanî Zindanê Tîpa Dyî yê Amedî de 16ê Kanûna 2018î de dest bi grevê vêşanîye kerd û 97. rojî yo ke xover dano. Aslanî telefon de keyeyê xo reyde qisey kerd û seba çalakîya Zulkuf Gezenî ke Zindanî Tîpa Fyî yê Tekîrdagî de çalakîya fedayî pê ardbî vengê xoverdayîşî da.

	 

	Cuneyt da zanayene ke Newroze têkoşînê înan de cayêko muhîm gêna û va: “Têkoşînê ma de manaya Newroze zaf muhîm o. Ma embazanê xo û lîderê têkoşînî Zulkuf Gezenî bi hurmet vîrî anî. Embazê ma Zulkufî bi çalakîya xo ya fedayî prosesêko newe destpêkerdene. Hêz da xoverdayîşî. Ma hemverê xoverdayîşê Zulkufî de bedenê xo tewênenî. Ma soz danî kem a do şopdarê têkoşînê ê bî. Embazê ma Zulkufî tewrê embazê xo yê ke aye reyde mendêne wextêko derg xover dayo. Embazê ku Zulkufî şinasnayî moral, vindetiş û camêrdîyê ci ra hêz girewtî. Zulkuf cuya ma de bî şexsîyetêko nimune.” 

	 

	'Bi ruhê Newroze'

	 

	Cuneytî tewr peynî dîyar kerd ke xoverdayîşê Zulkufî xoverdayîş nîşanê înan dayo û wina qedêna: “Çalakîya Zulkufî vernîya xoverdayîşî akerd. Vindetişê Zulkufî bî ruhê Newroza emserrî. Ma reyna embazê xo vîr anî. Wa serê şarê kurdî weş bo. Kurdî timî seba azadîya xo xover dayî. Newroze bi hezaran serran nê herran de bîye ruhê xoverdayîşî. Seba kurdan bîya roja serewedarnayîş û xoverdayîşî. Şarê kurd qetî şeref û erjê xo ra fek vera nêdayo. Timî seb azadîya xo xover dayo.”