
Seba pêvînayîşî avûkatan bi Abdullah Ocalanî dir 6 aşmî qedexe ame kerdene 

2019-03-23 09:31:19


	&nbsp;

	STENBOL - Yewin Dadgerîya Înfazî yê Bursayî, bi qerarêke xo yê newe reyke bîn pêvînayîşê avûkatan bi Abdulllah Ocalanî dir 6 aşmî bîn qedexe kerd. Abdullah Ocalan bi 8 serrî nêeşkeno bi avûkatan dir pêvînayîş bikero.

	Yewin Dadgerîya Înfazî ya Bursayî serê waştişê Serdozgerîya Komara ya Bursayî, derheqê Rayberê PKKyî Abdullah Ocalanî de ke zindanê Tîpê F yê Îmralî de maneno qerarêke newe girewt.

	Qedexeyêke bîn ê 6 aşmî

	Qerarê 6ê Êlule 2018an û 2yê Adara 2018an de, Yewin Dadgerîya Înfazî ê Bursa bi 6 aşman mabêne qedexeyê pêvînayîşê avûkatan da. Derheqê serdayîşê avûkatan ê newe de zî reyna qedexeyê 6 aşman ame dayene. Nê qerarî de 20ê Temmuza 2016an heta nika seba avûkatan bi qerarê dadgerîye dir 3 qedexe ameyî dayene. Seba qerarî zî ‘xerîtarrayîr’ û cezaya hucreyî dimayê 2005an ame ramojnayîş.

	Serdozgerîya Komara ya Bursayî ke Yewin Dadgerîya Înfazî ya Bursayî waşte, cezayê hucreyî yê mabêne 2005 û 2009an, pêwa 156 rîpel xerîtarayîr ê 2009î de pêşkêşê Dadgeha Heqê Merdiman ê Ewropa ame kerdene, sey sebeb ame ramojnayîş.

	Verê zî 6ê Êlule 2018an de derheqê Abdullah Ocalan û hepsîyê bîn yê ke Îmralî de yenê tepiştiş Hamîlî Yildirim, Omer Hayrî Konar û Veysî Aktaş de eynî qerar ame dayîş û 6 aşmî pêvînayîş avûkatan rê ame qedexekerdene.

	Rayberê PKKyî Abdullah Ocalanî ke 21 serrî zindanê Asayîşê Berz Îmralî de Tîpê F de yeno tepiştiş 27ê Temmuza 2011an heta nika bi avûkatan dir, 11ê Êlule 2016an heta nika zî bi keyeyê xo dir pêvînayîş nêeşkeno bikero.

	5ê Nîsana 2015an heta nika zî Heyetê Îmralî dir neşkeno pêvînayîş bikero. Lebate CPT zî baş nînê vînayene û yenê rexnekerdene.

	&nbsp;