Meclîsê  Cinîyanê Ciwanan yê HDPyî ra seferberîyê xebatan 

2019-03-23 09:29:38


	 

	Berîtan Canozer

	 

	AMED - Endama Meclîsê Cinîyê Ciwanan ya HDPyî Sevîm Akdage dîyar kerde ke tecrîd tena Îmralî ney serê heme komelî de yeno kerdene û bi taybet zî cinî û ciwanan ser tecrîd hîs kenê. Sevîme arde ziwan ke ê sey cinîyê ciwanan her wareyî de vera tecrîdî têkoşîn bikerê.

	 

	Çalakîya grevê vêşanîye ya hemsereka KCD û parlamentera HDPyî ya Colemêrgî Leyla Guvene bi amancê wedartişê tecrîdê Rayberê PKKyî Abdullah Ocalanî ser dabî destpêkerdiş roja 136in de dewam kena. Dimayê Leylaye zindanan de zî grev dewam keno. Endama Meclîsê Cinîyê Ciwanan ya HDPî Sevîm Akdage dîyar kerde ke vera tecrîdî torra têkoşînî awan bikerê.

	 

	Tecrîd hemverê heme şaran yeno kerdene

	 

	Sevîme dîyar kerde ke rojê vîyarte de Konferansê Cinîyê Ciwan ameyo kerdene û va rojeve înan ya sereyîn ê konferansî grev û tecrîd bîyo û wina va: "Dimayê demêke derg ma cinîyê ciwan yewin rey ameyî têhet. Babeta sereyîn tecrîd û grev bi û eynî wextî de awankerdene torra têkoşînî bi. Ma grevê vêşanîye munaqeşe kerd. Tecrîd tena Îmralî de nîno kerdene. Serê heme komelî de yeno kerdene. Ma ciwanî nê tewr zêde hîs kenê. Ma cinîyê ciwanî hewl danê ke nê tecrîdî serê xo bişiknê û veng vejenê. Ma derheqê nê de nîqaş kerdî."

	 

	'Ma do tecrîd parçe bikerê'

	 

	Sevîme da dewamê qiseykerdişê xo de wina va: "Xeylê cinîyê ciwanî her wareyî de xebat meşnayî. Seba nê rêxistinbîyayîşêke wina ferz bi. Netîceyê perspektîfê ke vejîyayo meydan de qerarê pîlkerdişê têkoşînê xo da. Ma do amanc û tesîrê tecrîdî bivînê. Ma her ca de binê tecrîdî de yê."

	 

	Sevîme dewamê qiseykerdişê xo de da zanayîş ke ê sey cinîyê ciwan her ca de rêxistinbîyayîşê xo yê xoser awan bikerê û bi rêxistinbîyayîş tecrîd bişiknê. Heto bîn ra Sevîme da zanayîş ke do atolyeya pawitişê cewherî awan bikerê.