Hepsîyan ra deklarasyon: Heta ke tecrîd dewam bikero çalakîya ma do dewam bikero 

2019-03-22 14:45:01


	 

	MERKEZÊ XEBERAN - Bi waştişê wedartişê tecrîdê serê Rayberê PKKyî Abdullah Ocalanî de deklarasyonêk pare kerd. Hepsîyan da zanayene ke eke waştişê înan ê 7 madeyan nêrê ca, ê do çalakîyanê xo bidomnê

	 

	Bi nameyê tepişteyanê PKK û PAJKî yê ke zîndananê Tirkîya û herêmanê ci de yenê tepiştene, Denîz Kaya  deklarasyonêk weşana.

	 

	Eşkerayiye hepsîyan de wina ame vatene:

	 

	"Sere de şexsê Mazlûm Dogan, Zekîye, Ronahî û  Berîvanan de şehîdê Newroze ma yad kenime û Roşanê Xoverdayîşî Newroze pîroz kenî. Şexsê Rayberîya ma de konseptê çînkerdiş û qirkerdişî dewre de yo. Tena bi wedartişê tecrîdî no konsept yeno şikitene. Coka ma tepişteyê PKK û PAJKî  grevê vêşanîye yê bêdêm-bêagêrayîşê biqerardarîya girde domnenê. Ganî madeyê ke derheqê tecrîdî de ma do cêr de deklere bikerê, helêk cuwa ver bêrê bicaardene û domnayene. Heta ke nê waştişê ma nêrê ca ma do çalakîyanê xo bidomnê. Wa şarê ma û rayepêroyî bizano ke eke çîyêko xirab bêro ciwîyayene , mesuldarê naye AKP-MHP yo.”

	 

	Waştişê hepsîyan wina yê:

	 

	1- Wa Rayberîya ma heqê xo yê meşru bişuxlne û merdiman û warîsê xo de pêvînayîş virazo.

	 

	2- Wa  Rayberîya ma binîzamî avûkatanê xo pêvînayîşan virazo û nê pêvînayîşî nêrê birnayene.

	 

	3- Wa Rayberîya me heqê xo yê telefonî bişxulno û heqê ci yê esasî yê sey mektub û fax şawitiş û girewtiş bêrê ca.

	 

	4- Wa  heqê radyo û tv’yî qetî nêro binpaykerdene û waştişê ey ê rojnameyê rojane, komare, kitab ûsn bêrê ca.

	 

	5- Wa Rayberîya ma embazê ke cayê ey de înan dir pêvînayîş virazo û heqê ci yê fermî merê pinpaykerdene.

	 

	6- Wa seba weşîya Rayberîya ma heyetê xoserî binîzamî ey kontrol bikerê.

	 

	7- Wa şertê azad ciwîyayîş û xebityayîşî bêrî ca ke Rayberîya ma sîyaset de aktîf rol bigê û meselayan çare bikero.