'Şima çira nêerzenê keyeyanê kiştoxan ser' 

2019-03-17 15:18:39


	 

	STENBOL- Nesîbe Başarana ke dîyar kerde ke polîsê ke eştê keyeyê înan ser o  domanan erdo derg kerdê û sîleh dayê sereyê înan û wina va: "Lajê mi şino HDP. Uca de xebatan meşneno. Coka eştî serê keyeyê ma. Şima çira erzenê serê keyeyê tecawizkaran? Ne sîleh danê sereyê înan ne zî erzenê serê înan." 

	 

	Verê weçînayîşê mintiqa ê 31ê Adare vera HDPyî teda zêde bî. Eştişê serê keyan de xebatkar, îdarekar û endamê partî yenê girewtene. Serhildan Başarano ke di aşmî verê polîsan eşt keyeyê ey ser û ame tepiştiş, 2 hewte zindan de mend û dimayê îtîrazî serbest ame veradayîş. Dayika Serhildanî, Nesîbe Başarane da zanayîş ke seba lajê aye beşdarê xebatê weçînayîşî bîyo yeno cigêrayene.

	 

	'Sîleh dayî sereyê domanan'

	 

	Nesîbeye arde ziwan ke polîsan sîleh dayê sereyê domanê ke hewn de yê û va înan persê ‘şima çira ameyê perskerdê' û înan zî vato ‘bêveng bê. Ma do şima bikşê'. Nesîbeye wina va: "Her kes erd de derg kerdî. Sîleh dayî sereyê ma. Destûr nêdayî ma qisey bikerê. Domanî tersayne, bermayne. Keyeyê ma de cigêrayîş kerdî. Persê Serhildanî kerdî. Di roj bi ke nêamebi keye. Biwazê eşkenê bivînê. La nê çîyan bîlasebeb kenê."

	 

	‘Psîkolojîyê domanan xira bi'

	 

	Nesîbeye tewr peyîn qiseykerdişê xo de da zanayîş ke psîkolojîyê domananê înan xira bîyo û nêameyê serê xo û va: " Nê ke talîmatan danê ê zî wina kenê. Tirkîya de huqûq nêmendo. Dewlete tedayê psîkolojîk kena. Ma do zî heta peynî xo ver bidê. Ma fek têkoşînê xo ra vera nêdanê."