
Xoverdayîşê Leyla Guvene roja 128in de yo 

2019-03-15 14:06:06


	&nbsp;

	AMED - Xoverdayîşê grevê vêşanîye yê bêdem û anêgêrayîşî yê Hemsereka KCDyî û Parlementera HDPyî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dabî dest pêkerdiş roja 128ine de dewam keno.

	&nbsp;

	Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 128in de dewam kena. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena. &nbsp;

	&nbsp;

	Çalakîya hepsîyan dewam kena

	&nbsp;

	Dimayê Leylaye Mintiqaya Federalê Kurdistanî çalakîya Temsîlkarê HDPyî Nasir Yagizî roja 115an de, Strasbourg de 14 kes û Gallerî de Îmam Şîş roja 89ine de yê. Hepsîyê ke 16ê Çele de çalakî dest pêkerdî roja 90ine de dewam kenê. Endama Meclîsê Îştarî Fadîle Tok roja 55an de ya. Hemsereka DBPyî ya verê Sebahat Tuncel û parlamentera HDPyî ya verê Selma Irmake zindan de dayî destpêkerdene roja 60ine de dewam kenê. Heto bîn ra çalakîya hepsîyê PKKyî û PAJKî ke 1 Adare de dest pêkerdî roja 15an de dewam kenê. &nbsp;

	&nbsp;

	Endamê HDPyî hepsî çalakîya xo dewam kenê

	&nbsp;

	Parlamentera HDPyî Dêrsim Dag û endamê HDPyî Salîh Cansever, Îsmaîl Yildiz, Sevîcan Yaşar, Salîh Tekîn û Bîlal Ozgezen ke 3yê Adare de awanîya HDPyî ya Amedî de çalakîya ke dayî destpêkerdiş, 8ê Adare de parlamenterê Wanî yê HDPî Tayyîp Temel û Murat Sarisaç û endamê HDPyî Abdulhalik Kurt û Yusuf Ataş zî beşdar bî. Dimayê ke 8ê Adare de eştî serê awanî endamê HDPyî 4 ci ra ameyî tepiştiş, 3 serbest ameyî veradayîş. Ame dîyarkerdiş ke HDPyî ke ameyê tepiştiş çalakîya xo dewam kenê.

	&nbsp;

	Kesê ke tahlîye bî çalakîya xo dewam kenê&nbsp;

	&nbsp;

	Sedat Akino ke hepisxaneyê Erzîcanî de Tîpê T de dest bi grev kerdib dimayê ke ame tehliyekerdiş çalakîya xo keye de roja 80ine de dewam keno. Gurbet Ektirena ke 15ê çele de dest bi çalakîya grevî kerde û amî tahlîyekerdene zî 8ê Adare de çalakîya xo keyeyê xo Dêrikê Mêrdînî de roja 60ine de dewam kena.

	&nbsp;

	Gamî nêameyê eştene

	&nbsp;

	Pêwa reaksîyonê raya pêroyî û vengdayîşê ke seba gameştişî seba wedartişê tecrîdî ameyî kerdiş, hukmatê AKPyî ke îqtîdar o hîna bêvengîya xo dewam keno û tu game nêameyo eştiş.

	&nbsp;