Cinî vera krîzê ekonomî xo ver danê 

2019-03-15 13:31:03


	 

	WAN - Kevser Onder û Sîbel Karamana ke dikanê ‘Tîr û werdê bi mîr akerdê, 4 cinî girewtî verê xo û karê xo meşnayne. La dimayê ke krîzê ekonomî Tirkîya de rî da êdî dikanê înan seba krîzê ekonomî ameyo sewîyeya padayîşê.

	 

	Qezaya Îpekyolu yê Wanî taxa Alîpaşa, 5 serrî verê Kevser Onder û Sîbel Karamane dikanê ‘Tîr û werdê mîr' akerd û nika vera krîzî xo ver danê. Dikan de kufta û nanê tewqe virazenê.

	 

	'Ma ameyê sewîyeya padayîşî'

	 

	Kevsere dîyar kerde ke seba vayîye ardî, êdî nêeşkenê karêke bikerê û wina va: "Uca de her cinîyêke karê aye cîya yo. Ma siba dikan akenê. Ez manti viraznena. Manti bajarê ma de zêde nîno xebitnayîş. La wexto ke vînayî ma viraznenê, eleqe ramojnayî. La seba vayîye ardî ma mecbur mendî ke vayîye manti zêde bikerê. La seba ke kêm yeno kerdene ma zirar vînenê."

	 

	Kevsere da zanayîş ke dikan de bi pêroyî 6 kes xebityenê û wina va: "Bi 5 serrî ma pîya ma xebityenê. Ma xebatê weş meşnenê. Ma kede danê. Çîyo ke keda ma çin keno zî krîzê ekonomî yo. Pêwa her çî ma hewl danê dikan serê lingan de bigîrê."

	 

	Sîbel Karamane zî da zanayîş ke kargerîyê înan taxe de nimûneyo û wina va: "Her cinî seba lazimîyê xo ganî bixebityê. Cinî hetê ekonomî de serê linganê xo de vinderê, vera her tewir şîdetî têkoşîn bikerê."