
Kedkarê ke destveng bazar ra yenê keye: Ma nêeşkenê debara xo bikerê 

2019-03-14 14:56:05


	&nbsp;

	WAN - Cinîyan seba polîtîkayê şer nêeşkenê fêkî û sebze seba keyeyê xo bigîrê, dîyar kerdî ke destveng ageyrenê keye û vatî rastî o yo ke nêeşkenê debara xo bikerî.

	&nbsp;

	Krîza ekonomî tesîrê heme wareyê cu keno. Wan de 7 rojê hewteyî de bazar her roje taxêke de yeno awankerdene û seba vayîya bazaran hîn kêm o cinî şinê bazaran. Bazarê rayîrê Îskeleyî yê Îpekyolu de cinîyan reaksîyon ramojna ke nêeşkenê kîloyêke çîyêke bigîrê.

	&nbsp;

	'Ma aşmêke bîn bêsebze derbaz kerd'

	&nbsp;

	Ayten Hazana seba domananê xo cil û belgan bigîro ameya bazar va seba vayîye nêeşkenê çîyêke bigîrê û wina va: "Zimistanî mabêne vayîye &nbsp;goşt û sebze de cîyayê çin o. Ma nêeşkenê bi meaşê teqawîtbîyayîş debara xo bikerê. Ma nêeşkenê peynîya aşme bîyarê. 4 wendekarê mi estê. Ma nêeşkenê seba mutbexî çîyêke bigîrê."

	&nbsp;

	Naîme Çellîye zî arde ziwan ke wa Homa no zulmî qebul nêkero û va: "Pîyazo zergun kîloyê 6 Tl, heme sebze serê 5an de yê. Ma nêeşkenê debara xo bikerê. Êdî no zulm wa peynî bibo.

	&nbsp;

	Emîne Kurta zî reaksîyon nîşan da û va her hewte bazar ra eşkenê tena nîm kîlo sebze bigîrê û va no hewte çîyêke nêgirewta, aşmêke rîyê fêkî nêdîyê.

	&nbsp;