
'AKP têkoşînê cinîyan sey tehdîd vîneno' 

2019-03-14 14:40:12


	&nbsp;

	Habîbe Eren

	&nbsp;

	ENQERE - Verfeka Meclîsê Cinîyan ê HDPyî Dîrayet Dîlan Taşdemîre dîyar kerde ke bi muxalefetê ke cinî kuçeyan de danê meşnayîş, rîyê AKPyî nîşan dano û va: "Coka zî 17in rayşîyayîşê Şewe ya Femînîstan hedef ame girewtene. Vizîr Gezî de vatişê manîpulekerdiş yê sey 'hêrişê wayanê mi girewteyan kenê' anê ziwan. AKP têkoşînê cinîyan vera beka xo sey tehdîd vîneno.

	&nbsp;

	17in Rayşîyayîşê Femînîstan ê Îstîklalê Stenbolî de ame kerdene de rastê hêrişê polîsan ameyî û cinîyan hêrişê polîsan protesto kerdibî. La protestoyê cinîyan zî bi vatişê 'vera azanî fîknayê' ame manîpulekerdene.

	&nbsp;

	Verfeka Meclîsê Cinîyan ra Dîrayet Dîlan Taşdemîre derheqê babete de şîrove kerde. Dîrayete arde ziwan ke çalakîyê 8ê Adare de wayîrê xoverdayîşê grevê vêşanîye ya Leyla Guvene û heme hepsîyan ameyê vejyayîş û va Êlih, Wan, Amed, Stenbol, Îzmîr û xeylê bajarê bîn çalakîyê xurt hetê cinîyan ra ameyê kerdene.

	&nbsp;

	Dîrayete arde ziwan ke cinî bi vatiş, çalakî û waştişê xo vejîyayê wareyan, la sey her wext rastê astengîyan ameyê û wina va: "La reyna zî cinîyan xoverdayîşêke pîl nîşan dayî. Grevê vêşanîye seba wedartişê tecrîdî, vera bêçareserî krîzê ekonomîk, şer sey cewabêke yo. Cinî pozîsyonêke sîyasetê AKPyî teşîr kenê û muxalefetê rast meşnenê de yê. Vera muxalefetê cinîyan endîşe û tersêke pîl esto.

	&nbsp;

	'Îfadeyê tersî vera cinîyan o'

	&nbsp;

	Dîrayete da zanayîş ke xeylê bajaran vernîya cinîyan ameya akerdiş û 8ê Adare betalî fermî kerdê, la Tirkîya de caardişê qedexe estê û no zî îfadeyê tersê AKPyî nîşan dano û wina va: "Coka 17in Rayşîyayîşê Şewe ya Femînîstan hedef ame girewtiş. Vizîr Gezî de vatişê manîpulekerdene sey ‘hêrişê wayanê mi yê girewteyan kenê' ardî ziwan. AKP têkoşînê cinîyan vera beka xo sey tehdîd vîneno."

	&nbsp;