
Hunermendan ra seba grevê vêşanîye vengdayîş: Ma vengê xo berz bikerê 

2019-03-13 13:48:50


	&nbsp;

	STENBOL - Seba piştdayîşê grevê vêşanîye seba wedartişê tecrîdî ameyî destpêkerdene, hunermend Ozlem Gerçeke veng da û va: "No tena xoverdayîşê Leylaye nîyo. Ganî no xoverdayîş heme kesê ke têkoşînê cinîyan danê bibo. Ganî ma tewr zêde têhet bê, ma tewr zêde vengê xo, vatişê xo û yewîya xo girs bikerê. Hunermendê no welatî ganî tewr zêde veng vejê. Ma vengê xo berz bikerê."

	&nbsp;

	Çalakîya grevê vêşanîye ya Hemsereka KCDî û Parlamentera HDPyî ya Colemêrgî Leyla Guvene ke bi amancê wedartişê tecrîdî serê Rayberê PKKî Abdullah Ocalanî dabî destpêkerdiş roja 126an de dewam kena. Dimayê Leylaye bi hezaran tewqîfkerdeyî bi eynî waştiş, dest bi grev kerdî û grevê înan zî dewam keno.

	&nbsp;

	'Ma veng, vatiş û yewîya xo berz bikerê'

	&nbsp;

	Ozleme da zanayîş ke Leyla Guvene vera heme caardişê bêdemokratîk yê welat de yenê kerdene kewta grevê vêşanîye û va aye şîya serdayîşê Leyla Guvene. Ozleme bale ante serê hîsê xo yê wextê serdayîşî de û wina va: "Mi serdayîş de cesaret, xoverdayîş, bawerîya aye dî. Wexto ke ma bêrê têhet, ma pîya veng vejê do xoverdayîş hîna zêde xurt bibo. No semed ra no xoverdayîş tena Leylaye nîyo. Gerek no xoverdayîş heme kesê ke têkoşînê cu danê bibo. Ganî berpirsîyarîyê xo bi ca bîyarê. Ganî ma tewr zêde têhet de bibê. Ma veng, yewî û vatişê xo tewr zêde berz bikerê."

	&nbsp;

	'Ganî hunermendî tewr zêde vengê xo berz bikerê'

	&nbsp;

	Ozleme tewr peyîn qiseykerdişê xo de da zanayîş ke ganî hunermendî xo teberê nê de nêgîrê û va: "Ganî vera her tewir nêheqî veng bêro vetiş. Ganî &nbsp;hunermendî vera nê têkoşînê xo, vatiş, kilam û filmê xo zêde bikerê. Ganî hunermendê no welatî tewr zêde vengê xo vejê."

	&nbsp;