
Hepsîyê doza DKPyî dest bi grevê vêşanîye kerdî 

2019-03-12 14:20:13


	&nbsp;

	STENBOL - Hepsîyê doza DKPyî Erol Dundarî zî seba wedarnayîşê tecrîdî 1ê Adare de dest bi grevê vêşanîye kerd

	&nbsp;

	Xoverdayîşê grevê vêşanîye yê bêdem û anêgêrayîşî yê Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 125. de dewam keno.

	&nbsp;

	Badê Leylaye xeylê zindanan de grevê vêşanîye dîya dest pêkerdiş. Tewr peynî xoverdayîş vilayê pêroyê zindananê Tirkîye bî û pêroyê zindananê Tirkîye de 1ê Adare de grevê vêşanîye yê bêdem û anêgêrayîşî dîya dest pêkerdiş. Hepsîyê doza Yewîya Partîya Komunaranê Şorişgeran (DKP/ Yewî) Erola Dundarî zî da zanayene ke seba wedarnayîşê tecrîdî o zî 1ê Adare de dest bi grevê vêşanîye kerdo.

	&nbsp;

	Hepsîyê doza DKP/Yewî yê Zindanê Tîpa Fyî yê Edîrne, yê Zindanê Tîpa Fyî yê Kandira, yê Zindanê Tîpa Fyî yê Kiriklarî û yê Zindanê Padaye yê Cinîyan yê Bakirkoyî seba 7 rojan dest bi grevê vêşanîye kerdî. hepsî bi rayîrê keye û merdimanê xo mesaj erşawitî û dîyar kerdî ke ê 11ê Adare de dest bi grevê vêşanîye kerdî.&nbsp;

	&nbsp;