
Seba Dayîka Aştîye ke nêweşa Hîpertansîyonî ya 7 serrî ceza 

2019-03-09 10:15:28


	&nbsp;

	ŞIRNEX - Dayîka Aştîye Selamet Mata ke Cizîr de 5ê Temmuza 2018an de amî tepiştiş û dima ra bi şertê kontrolê edlî amî veradayîş, rastê 7 serrî cezaya zindanî amî. Selamete ke seba emrê xo yê derg zaf problemê weşîye cuyena, avûkatanê aye îtîrazê ceza kerdî.

	&nbsp;

	Selamet Mata 56 serrî ya û Cizîrê Şirnexî de 5ê Temmuze 2018an de eştişê serê keyeyî de amîbî tepiştiş û tewqîfkerdiş. Selamete 4 aşmî tepişnaye mende û roniştişê ewil ê 2în Dadgeha Cezaya Giran ya Şirnexî ame vînayîş de amîbî veradayîş. Roniştişê aye rojê vîyarte de bi îdiayê 'endamîya rêxistine' 7 serrî ceza aye rê ame birnayene.

	&nbsp;

	Destê aye bi nivîne rê kelepçekerde amîbî dermankerdiş

	&nbsp;

	Selamete wextê tepişnayîşî de seba problemê weşîye bi hetkarîya embazanê xo lazimîyê xo bi ca ardêne. Selamete hewteyê vernê ê zindanî de seba ke dermanê hîpertansiyonî nêdayî ci her wext bi leymune rewşa xo kontrol kerdêne. Seba ke dermanê aye nêameyne dayîş, wedarnayne nêweşxane û çar rojan destê aye bi nivînan kelepçekerde amebî dermankerdene. Selamete roniştişî ewil de bi şertê kontrolê edlî amîbî veradayîş. Rojê vîyarte de roniştişê aye ame kerdene û avûkatê aye beşdar bî. Heyetê dadgehe sucdarî wendî û bi şertê ke îstînafî akerdo 7 serrî ceza dayî Selamete.

	&nbsp;

	Avûkatan îtîrazî ceza kerdî nîno zanayîş ke do cezaya Selamete bêro tesdîqkerdene yan ney.

	&nbsp;

	'Wa merdimî çimanê xo abikerê'

	&nbsp;

	Selameta ke dimayê ke zindan ra vejîya qisey kerde û bale ante serê rewşa hepsîyê ke sey aye probleman cuyenê û wina vatibî: "Wa merdimî çimanê xo abikerê, sereyê xo wedarnê. Wa tedayê serê ma bivînê. wa tedayê zindanan bivînê. Verê ma de di domanê qij estbî. Her wext bermayne. Ma vatêne pêkayan bidê, înan zî vatêne 'ê zî terorîst ê, ma çira pêkayan bidê'. Domanê ma yê qijan zî kenê çi rewşe. Ez veng dana Kurdê ke rakewteyê; wa çimanê xo akerê û wa nê zulmî qebul nêkerê. No zulm tena vera ma nîyo, vera heme Kurdan o."

	&nbsp;