Cinîyê Karkeran ra seba komxebata 10 Adare vengdayîş 

2019-03-08 14:05:30


	 

	STENBOL - Nurtek Karana derheqê ‘Komxebata Cinîyê Karker’ ya 10ê Adare de kedkarê cinî organîze bikerê qisey kerde û va: "Ma zanê ke sinifê karkerê cinîyan vera hêrişê dewlete û kapîtalîzmî xo ver danê. Ma veng danê heme cinîyan ke beşdarê komxebate bibê."

	 

	Cinîyê Kedkar (EKA) 10ê Adare de ‘Komxebata Cinîyê Karker' do bikerê û problemê cuya xebate do bêro munaqeşekerdiş. Komxebate do Merkezê Pêroyî yê Sendîkaya Karî yê Petrolî ê Altunîzade bêro kerdene. Cinîyê karkeran ra Nurten Karahanci derheqê komxebate de qisey kerde û derheqê muhtewaya ci de zanayîş de, vengdayîşê beşdarbîyayîşê heme cinîyan kerd.

	 

	Nurtene dîyar kerde ke bi serran o warê falîyetî de meşnenê û va: "Ma zaf xebate kerdî. Verê çalakîyê kuçeyan, konferansê cinîyan ê mîyanneteweyî, sempozyum, bername ameyî kerdene. Nika zî ma do komxebata xo bikerê. Îqtîdar krîzê ekonomîye ke yeno cuyene qebul nêkeno. No krîz krîzêke normal nîyo. Kapîtalîzm wextê ewil ê sermayeyî de xo serê cinî û domanan de bîyaye kerd. Nika zî do serê keda cinî û domanan vindî bikero."

	 

	'Ma zanê ke yê verê hêrişê dewlete yan zî kapîtalîzmî têkoşîn bikerê cinî yê'

	 

	Nurtene da zanayîş ke cinî 25ê Teşrîna Peyêne, 8ê Adare de çalakî kerdê û va: "La nê qîm nêkenê. Ganî tevgerê cinîyan hişmendîyê sinifan baş bidê roniştiş. Ma zanê ke yê vera hêrişê dewlete yan zî kapîtalîzm têkoşîn bikerê cinî yê. Seba rêxistinbîyayîşê cinîyan û beşdarbîyayîşê cinîyê karkeran ke têkoşînê Komxebate de zaf girîng a."

	 

	Nurtene dîyar kerde ke cinî cuya kar de probleman cuyenê û va problemê tewr pîl problemê ekonomî yo û va: "Ma çarçeweya komxabete de anket viraşt. Ma persî pers kerdî. Nimûne tewr zêde 'ma rastê tacîzî yenê'. Mobîng yeno kerdene. Heqdestê ma û camêrdan sey yewbînan nîyo' vejîya vernî. Komxebaten de do problemê cinîyan bêrê munaqeşekerdiş. Ma heme cinîyan dawetê komxebate kenê."