
Xoverdayîşê Leyla Guvene roja 120ine de dewam keno

2019-03-07 15:10:02


	&nbsp;

	AMED - Xoverdayîşê grevê vêşanîye yê bêdem û anêgêrayîşî yê Hemsereka KCDyî û Parlementera HDPyî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dabî dest pêkerdiş roja 120ine de dewam keno. Sewbîna çalakîyê grevê vêşanîye ke zindanan û cayanê cîya-cîyayan de seba eynî waştişan dest pêkerdbî zî bi qerardarî dewam kenî.

	&nbsp;

	Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 120. de dewam kena. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena.

	&nbsp;

	Girawe Îmralî de pêvînayîş&nbsp;

	&nbsp;

	12ê Çeleyî de ke çalakîya Leylaya ke grevê vêşanîye dewamkerdêne de birayê Abdullah Ocalan Mehmet Ocalan şi Îmralî û bi birayê xo dir pêvînayîş kerd. Leylaya ke o wext bi rayîrê avûkatanê xo dir derheqê babete de îzahat da û wina va: "Ceribnayîşê ma yê verê zî estê. Serra 2016an de koma ke ez zî tede ma 50 kesî vera tecrîdî teber de çalakîya grev dayî destpêkerdiş. AKPî o wext zî Mehmet Ocalanî seba bi Abdullah Ocalanî dir pêvînayîş bikero eşrawit Îmralî û bi mesajê ke birêz Ocalan ame çalakî amebî peynîkerdene. La tecrîd dewam kenê. Nika zî eynî metod yeno kerdene. Birêz Ocalan rayberêke polîtîk o. Seba keyeyê xo girawe de nîyo. Sey hepsîyê bînan heqê ey ê pêvînayîşî esto.

	&nbsp;

	Leyla Guven: Waştişê ma meşrû yê

	&nbsp;

	Waştişê ma sere de zelal ê. Ma vanê tecrîd sucê merdimayî yo bêro wedartiş û birêz Ocalan bi avûkatan û keyeyê xo dir pêvînayîş bikero û bi heyetê xerîban dir bêro têhet. Coka ma çalakîya xo bi pêvînayîşêke bi peynî nêkenê. Waştişê ma vera qanûnî nîyê waştişê ma meşrû yê. Eke amancê AKP - MHPyî bedeldayîşê ma yo ma bedeldayîşî rê zî amade yê. Ma nê tifaqê faşîst ra vanê eke tabûtî zindanan ra vejîyê şima do nêeşkê cayê xo de binişnê ro."

	&nbsp;

	Çalakîya hepsîyan dewam kena

	&nbsp;

	Dimayê Leylaye Mintiqaya Federalê Kurdistanî çalakîya Temsîlkarê HDPyî Nasir Yagizî roj 107an de, Strasbourg de 14 kes û Gallerî de Îmam Şîş roja 81ine de yê. Hepsîyê ke 16ê Çele de çalakî dest pêkerdî roja 82yan de dewam kenê. Heto bîn ra çalakîya hepsîyê PKKyî û PAJKî ke 1 Adare de dest pêkerdî roja 7an de dewam kenê.

	&nbsp;

	Tepiştiş de zî çalakî dewam de ya

	&nbsp;

	Roja yewşeme parlamentera HDPyî ya Dêrsim Dag, endamê HDPî Salîh Cansever, Îsmet Yildiz, Sevîcan Yaşar, Salîh Tekîn û Bîlal Ozgezer zî awanîya HDPyî ya Amedî dest bi çalakîya grevê vêşanîye bêdem û bêagerayîş kerdî. Dimayê çalakî ame destpêkerdiş bi fermanê Wezîrê Karê Zerî Suleyman Soylu eştî serê awanî û 5 çalakger ameyî tepiş. Dêrsim dage awanîya HDPyî û 5 kesê ke ameyî tepiştiş zî çalakîya xo roja 5ine de dewam kenê.

	&nbsp;

	Hetobîn ra rojê vîyarte de îzahatê ke serê nameyê hepsîyê PKK û PAJKî de ame dayîş de, ame dîyarkerdiş ke hepsîyê ke zîndanan de yê do heme dest bi gervê vêşanîye bikerê û 2ê Adare de nê hepsîyan çalakîya xo da destpêkerdene.

	&nbsp;

	Gerek gamî bêrê eştene&nbsp;

	&nbsp;

	Her çiqas reaksîyonê vera îqtîdarî estê û vengdayîşê ke yenê kerdene hîna îqtîdarî bêvengîyê xo xira nêkerdo.

	&nbsp;