'Şirnex do xeyalê AKPyî bo' 

2019-03-07 13:08:01


	 

	ŞIRNEX - Hemsereka HDPyî ya Şirnexî Zeynep Unate dîyar kerde ke do Şirnex bibo xeyalê AKPyî û va: "Çîyêke înan xo vîr ra kerdo esto; Şirnex 10 serrî verê reyna ame rijnayîş, la şar qetî îradeyê xo teslîm nêkerd. Nika zî bi pere eşkenê rayan şarî ra bigîrê."

	 

	Xebatê weçînayîşê mintiqa yê 31ê Adare bêmabên dewam kenê. Hemsereka HDPyî Şirnexî Zeynep Unate derheqê xebatê Şirnexî de qisey kerde. Zeynebe va roja xebate ameyê destpêkerdiş heta nika bajar de her tewir xîle ameyê kerdiş û senîn nê xîle ameyê tespîtkerdene, îtîraz kerdê. La heyetê weçînayîşî yê qeza cewabê zaf cîya dayo.

	 

	Zeynebe nê çî vatî: "Şar her çî zano. Roja ke xebat ameyê destpêkerdene her tewir xîle ameyê kerdiş. Bi hezaran veng ardî bajar. La ma îtîrazî pêruyine kerd. Yê ke vanê ma do bi xîleyan ebigîrê, do bivînê. Tîya ame rijnayîş. Bi hezaran kes cayê xo ra bî. La kesî îradeyê xo teslîm nêkerd. Do Şirnex xeyalê AKPyî de bimano. Do AKP bi pere û çîyan nêeşko şar bixapêno."

	 

	Zeynebe tewr peyîn qiseykerdişê xo de arde ziwan ke seba şaredarîya xo newe ra bigîrê heta 31ê Adare do bixebityê û wina va: "Ma bi şarê xo bawer ê, wa ê zî bi ma bawer bê. Ma do keye bi keye, dewe bi dewe, taxe bi taxe bigeyrê. Do netîce baş bê. Ma do no hewte buroyê xo abikerê. Ma zanê do sibayê 1ê Nîsane senîn şîyar bibê. Şarê ma zî zano. Heta a roje ma nêvinderê û ma xebate bikerê."