
Xoverdayîşê Leyla Guvene roja 119ine dewam keno  

2019-03-06 15:20:21


	&nbsp;

	AMED - Xoverdayîşê grevê vêşanîye yê bêdem û anêgêrayîşî yê hemsereka KCDyî û Parlementera HDPyî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dest pê kerdbî, kewt roja 119ine. &nbsp;&nbsp;

	&nbsp;

	Xoverdayîşê çalakîyê grevê vêşanîye yê bêdem û anêgêrayîşî ke bi serkêşîya hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene dest pêkerdbî dewam kenî. Xoverdayîşê Leyla Guvene 119 rojan xo dima vera da. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena. Ganî bêro vîrvistiş ke rewşa weşîya çalakgeran her ke şona xidar bena. &nbsp;

	&nbsp;

	Heta roja ewro ewro Tirkîya û hem zî teberê welat temsîlkarê xeylê sazgeh û kesê namdar ameyî serdayîşê Leylaye. Kesê ke piştdayîşê Leylaye kenê vanê ke waştişê Leylaye waştişê înan o, tecrîd sucê merdimayî yo û hukmat ra ma wazenê ke no tecrîd bêro wedartiş.&nbsp;

	&nbsp;

	Grevê vêşanî roj bi roje vila benê &nbsp;&nbsp;

	&nbsp;

	Sewbîna çalakîya endamê HDPyî Nasir Yagizî ke seba eynî taleban Hewlêrî de dest bi grevê vêşanîye kerdbî zî kewte roja 106 Çalakîya 14 çalakgeranê bajarê Strasboûrgî yê Fransa û Îmam Şîşî yê Gallerî zî kewte roja 80. Grevê vêşanîye yê bêdem û anêgêrayîşî ke zindananê bakurê Kurdistan û Tirkîye de bi tewrbîyayîşê 317 hepsîyan ra zêde dest pêkerdbî zî roja 81ine xo dima vera da. Sewbîna Mexmûr, Hewlêr, Şengal û xeylê cayanê cîya-cîyayan de zî seba piştîdayîşê grevê vêşanîye çalakîyê grevê vêşanîye pê yenî. &nbsp;&nbsp;

	&nbsp;

	Roja yewşeme parlamenteranê HDP ya Amedî Dêrsim Dag, endamê HDPî Salîh Cansever, Îsmet Yildiz, Sevîcan Yaşar, Salîh Tekîn û Bîlal Ozgezer &nbsp;zî awanîya HDPî ya Amedî dest bi çalakîya grevê vêşanîye ya bêdem û bêagerayîş kerdî. Dimayê ke çalakî amî destpêkerdiş bi fermanê Wezîrê Karê Zerî Suleyman Soylu eştî serê awanî û 5 çalakger ameyî tepiştiş. Dêrsim dage awanîya HDPyî de û 5 kesê ke ameyî tepiştiş zî tepişnaye çalakiya xo roja 4ine de dewam kenê. &nbsp; &nbsp;&nbsp;

	&nbsp;

	Ganî gamî bêrê eştene &nbsp;

	&nbsp;

	Heto bîn ra reaksîyonê raya pêroyî yê vera îqtîdarî estê û vengdayîş yeno kerdene rê îqtîdar hîna bêvengîyê xo xira nêkerdo. &nbsp; &nbsp;&nbsp;

	&nbsp;