
Pey Sîbele ra dayîke aye hîrê serrî yo edalet pawena 

2019-03-06 12:37:26


	&nbsp;

	Hîkmet Tunç

	&nbsp;

	WAN - Keyeyê Sîbele ke hetê Cahît Çobandede ra rastê &nbsp;şîdetê sîstematîk amî û seba ke waşt fek ci ra vera bido amî kiştiş, hîrê serrî yo edalet pawenê. Dayîka aye Naze Yilmaze verê roniştişî veng da û va: "Heta vengê mi vejîya ez qêrîya ya. La kesî vengê mi nêeşnawit. Ma 8ê Adare de wayîrê Sîbel û cinîyê bîn vejîyê."

	&nbsp;

	Dewa Tinazli ya Elbaqê Wanî de cinîya bi nameyê Sîbel Çobandedeye 31ê Gulana 2016an de hetê mêrdeyê xo ra verê çimê dayîke aye de bi çek amî qetilkerdiş. Sîbele ke serrêke zewicnayî mende û her wext rastê şîdetî amî û coka domana pîzey xo zî vindî kerdebî. Sîbele ke waşt fek Cahîtî ra vera bido, hetê ey ra amî qetilerdiş.

	&nbsp;

	Ceza nêgirewt

	&nbsp;

	Dimayê qetilkerdişê Sîbele, Cahît ame tepiştiş 3 serrî yo pêwa ke yeno muhakemekerdiş dewa de tu averşîyayîş nêvirazîya. Cahîtî roniştişan de va poşman o û hewl da ke vistişê ‘rewşa baş’ bigîro.

	&nbsp;

	Naze Yilmaza ke kêna aye verê çimanê aye de amî qetilkerdiş wina va: "Heta vengê mi vejîya ez qêraya. Kesî mi nêeşnawit. Ez dima ra kewta. Ez serê bedenê Sîbele de kewta. Dima ra ez ameya hişê xo ser û mi dî ke ez serê bedenê bêgane de ya. Pî û birayê aye keye de nêbî. Roja ke Sîbele zewicya rastê şîdetî amî. Dimayê ke zewicyayî şî Wan. Nêwaştêne ma şêrê serdayîşê aye. Ma bi israr waştêne ma şêrê. Rojêke ma şî binê çimanê aye mor bibi. Mi girewte û berde keye. Dima ra veyve ma ra va. Veyve ma ra vata ke Cahîtî cuya aye kerda zindan. Seba şîdetî domane aye ver şî."

	&nbsp;

	Naze tewr peyîn qiseykerdişê xo de seba roniştişê aye 7ê Adare de yeno kerdene veng da û va: "Wa cinî 8ê Adare de wayîrê cinîyê ke ameyê qetilkerdiş vejîyê. Wa vera şîdetî bêveng nêmanê. 3 serrî ez edalet geyrena. Veng dana heme cinîyan. Wa wayîrê roniştişê kêna mi vejîyê. Wa Cahît cezaya tewr giran bigîro."

	&nbsp;

	&nbsp;