Cinîyê Kobanijî: Wa 8ê Adare bibo umidê azadî û aştîye 

2019-03-05 12:54:18


	 

	Îlham Eloso

	 

	KOBANÊ - Cinîyê Kobanijî derheqê 8ê Adare ardî ziwan ke ê wazenê her warê dinya de xo bi hawayêke azad bieşkê îfade bikerê û wina vatî: "8ê Adare wa bibo hêvîya azadî û aştîyê."

	 

	Cinîyê Kobanijî derheqê 8ê Adarê Roja Cinîyan ya Dinya de şîrove kerdî û wina vatî: "Ma bi hêvîya têduştî û aramî 8ê Adare pîroz kenê. Ma wazenê heme cinîyê Dinya mîyanê hizur û têduştî de bicuyê."

	 

	'Heta ke cinî azad nêbê do dinya azad nêbo' 

	 

	Cinîya bi nameyê Zelîxa Ehmede wina va: "Ma na roje bi taybet seba embazanê xo yê cephan de yê pîroz kenê. 8ê Adare roja azadîya cinîyan a. Ma hêvî kenê ke heme cinî koletî ra xilas bibê û azad bicuyê. Heta ke cinî azad nêbê do dinya zî azad nêbo."

	 

	'Heqê cinîyan esto ke hewayêke azad biciwîyê' 

	 

	Heto bîn ra Medîna Mustefa zî 8ê Adare heme cinîyan rê pîroz kerde û wina va: "Na rojêke tarîxî ya. Xoverdayîşê cinîyan na roje de yena pîrozkerdene. Ganî cîyayî mabêne cinîyan de çin bo. Heqê cinîyan esto ke bi hawayêke azad û bi hizur bicuyê. Seba nê ma her wext têkoşîn kenê."

	 

	'Wa 8ê Adare bibo umidî azadî û aştîye'

	 

	Xedîca Feyada ke 1in serre yo ke beşdarê pîrozkerdişê 8ê Adare bena wina va: "8ê Adare Rayber Apo û heme şehîdê azadîyan rê pîro bo. Raşt o no yewin beşdarbîyayîşê pîrozkerdişê mi ê 8 Adare yo. Ez do êdî her wext bi cilanê adetî beşdarê pîrozkerdişê 8ê Adare bibî. Wa 8ê Adare bibo umid û aştîye. Ma bi umidêke têduştî û hizur 8ê Adare pîroz kenê. Ma wazenê heme cinî dinya de mîyanê hizur û têduştî de bicuyê."