Berardişê keda destê hepsîyan seba înan debar a 

2019-03-04 12:29:02


	 

	
		
			
				
					
						
							 
						
							WAN - Hepsîyê zîndanê Tîpê L yê Panosî, berardişê bi destê xo viraznenê, bi hemkarîya keyeyanê xo teber de danê rotiş. Heto bîn ra nê berardişan ra zî reyna hepsîyan rê yenê eşrawitiş.
						
							 
						
							Hepsîyê zîndanê Tîpê L yê Panosî ke bi keda destê xo murayan zîynetan viraznenê û bi hemkarîya keyeyê xo teber de danê rotiş. Xeylê keyeyan dîyar kerdî ke wextê pêvînayîşan de hetê ekonomî de probleman cuyenê û va ê tena eşkenê heqê rayîrê xo vejê, nêeşkenê pere domananê xo rê pere bidê.
						
							 
						
							'Seba rewşa ekonomî ma her wext nêeşkenê şêrê'
						
							 
						
							Canan Durmaza ke seba Halît Abî û embazê ey koxuşî teber de xeml û zîynetan roşena wina  va: "Ma di aşmî ra reyke eşkenê şêrê verê birayê mi. Verê zîndanê Tîpê T yê Wanî mendêne. Surgunê Panosî kerdî. 3 domanî ey estê. Hetêke keyeyê xo rê beno destek. Xeylê zehmetîyan anceno. Bi embazanê xo dir xeml û zînetan viraznenê. Debara xo bixo kenê."
						
							 
						
							'Seba her parçeyêke bi saetan xebityenê' 
						
							 
						
							Canane qalê zor û zehmetîyan viraştişê xeml û zînetan ke yenê viraştiş û va: " Wexto ke ma şênê pêvînayîş ma nêzdîyê 100  xeml û zînetan viraznenê û anê teber de roşenê. Ma pereyê înan zî zîndan ra roşenê. Tezbîhe, bazin, aksesuarê cîya yenê viraştiş. Tena viraştişê borane û vilêke 3 saetan gêno. Yê wazenê piştdayîş bidê hepsîyan wa nê xeml û zînetan bigîrê."