DDBî îtarazê keyeyî red kerd 

2019-03-03 10:40:19


	 

	ŞIRNEX - Cizîr de seba 9 taxê ke qerarê ‘wareyo bi rîsk’ ameybî padayîş û dimayê heme rayîrê huqûqî ameybî vindîkerdiş ra dima, aşmê vîyarte de qerar berdibî Dadgeha Desturê Bingehîn (DDB). Serdayîşê îtîrazî yê avûkatan ke serê nameyê keyeyan de amebi kerdiş ame redkerdene.

	 

	Heyetê Wezîran 1ê hezîrana 2016an de seba 483,13 hektar wareyê taxanê Kuştepe, Cudî, Sûr, Dagkapi, Kale, Şah, Yafes, Alîbey û Nur ê qezaya Cizîrî yê Şirnexî de esas maddeyê 2 û 1ê Qanûnî derheqê Warê Binê Rîskê Afetî de yê Hûmara 6306an de sey ‘wareyê bi rîsk’ îlan kerdî.

	 

	Serê nê de bi hemkarîya TMMOBî, şaredarî û 14 keyeyan bi hemkarîya avûkatan seba qerar bêro vindarnayîş muracatê 14in Daîreyê Daniştayî kerdî. Dima ra qayûm tayînê şaredarîye bi, îtîrazê ke ameybî kerdene peyser antî. Îtîrazê 14 keyeyan hetê 14in Daîreyê Daniştayî ra bi qerar bi. Daniştayî va qerar ‘goreyê huqûqî yo'.   

	 

	Avûkatan vera no qerarî muracatê temyîzî kerdî û no zî ame redkerdene. Serê nê de avûkatan reyna muracatê DDBî kerdî. DDBî zî muracat red kerd.