Rejîsorê cinî Îzmîr de reya diyîn vejîyenê sehne 2019-03-02 11:31:10   Melîke Aydin   ÎZMÎR - Hewteyê Rejîsorê Cinîyan bi rejîsorê cinîyan dir  platformêke hîra pêşkêş keno û seba kesê newe kewtê sînema û heskerdoxê sînema fîlm û bernameyê bîn pêşkêş keno.   Hewteyê Rejîsorê Cinîyan ke bi sloganê 'yê vernî nînê xovîrrakerdiş' serra vîyarte de ame kerdene, ê diyîn zî emsar mabêne 1-7ê Adare de Merkezê Fransiz û Merkezê Kulturê Turkan Saylane Îzmîr de yeno kerdene. Hewteyê fîlman ke bi sponsorîyê Şaredarîya Konakî yeno kerdene, emsar çarçeweya ci de 8 fîlmê metrajê derg, 4 belgefîlm, 18 fîlmê kilm, 7 atolye û 4 panel do bêrê kerdene.   Fîlmê Çagla Zencîra ke bi nameyê 'Sîbel' bername de esto û fîlmê 'Guven' ê Sefa Ozturke zî esto. Fîlm do her kesî rê akerde û bêpere bêrê ramojnayîş.   Rejîsor Şebnem Metînere, organîzetor Gulten Taranç û ekîbê zerrîwaşteyan ra 15 kesî ca gênê, Sena Keleşe derheqê babete de qisey kerde.   Şebnem Metînere dîyar kerde ke bernameyê par ra tesîr bîya û wina va: "Piştdayîşê şaredarîya Konakî zaf girîng a. Serra vîyarte de 11 rejîsorî ca girewtî. Emsar 25 kesî beşdar benê. Serra bêro zî amancê ma o yo ke no açeryo mîhrîcan. Ma babetê panel, atolye û vajîyayîşî bi xebatkarê sînema dir dîyar kerdî. Cinî platformêke wina geyrenê. Pêwa ma îlano akerde bi ca ard zî kesê wazenê bêrê dawetkerdiş hîna ro ma geyrenê.   Sektorê sînema de hûmara cinîyan kêm a. Mîhrîcanê ke camêrdî organîze kenê cinî vindî kenê. Ma zî waşt ke ma bêrê têhet û problemanê xo dîyar bikerê û çareserîyêke bivînê."   Şebneme da zanayîş ke bername de do panalêke bi dayîkê rejîsoran dir viraznê û va do dayîkê rejîsoran dir probleman qisey bikerê.   'Lazimîyê platformêke vejîya meydan'   Gulten Tarança ke fikrê hewteyê fîlm vet meydan dîyar kerde ke bajarêke pîl sey Îzmîrî pêwa ke 6 wendegehê sînema estê zî mîhrîcanê fîlman ê metrajê derg çin ê û va: "Ma vernê de seba wendegehêke bi torra cinîyan awan beno kewtî nê rayîrî. La bi dewamkerdişê nê dir lazimîyê mîhrîcanêke fîlmê metrajê derg zî vejîya meydan."