Cinî do 8ê Adare de wareyan de bê: Ma bajarê ke ci de nêrê kiştiş wazenê 

2019-03-01 10:07:54


	 

	Dîlan Babat

	 

	ENQERE - Meclîsê Cinîyan ê Enqereyî bi şîarê 'Ma bajarê ke ci de nêrê kiştiş wazenê' 8ê Adare de do wareyan de bê. Ruya Înanire dîyar kerde ke do heta 8ê Adare bi xeylê bernameyan vengê xo bidê eşnawitiş û wina va: "Seba ma nêrê kiştiş, seba ma xo îdare bikerê, seba ma qeraranê xo bidê vengdayîşê cinîyan kenê."

	 

	Bi wesîleyê 8ê Adare Roja Cinîyanê ya Dinya nêzdî bena, bernameyê cinîyan zî zelal benê. Sey her serre emsar zî 8ê Adare de vera sîstemê serdest ê camêrdan ke nêwazenê cinîyan wareyê îstîmlakî û kuçeyan de bivînê do vajê 'ma estê û ma tîya de yê'. Yew rêxistinê cinîyan ke do 8ê Adare de kuçeyan de bê Meclîsê Cinîyan ê Enqereyî yê. Cinîyê Enqereyî emsar bi şîarê 'ma bajarê ke nêwazenê ci de bêrê kiştiş' wareyan de bê û vera kiştiş û şîdetê serê cinîyan vengê xo vejê.

	 

	'Ma bajarê ke nêwazenê ci de bêrê kiştiş wazenê'

	 

	Endama Meclîsê Cinîyan ê Enqereyî Ruya Înanire wina va: "Ma bi şîarê 'ma bajarê ke nêwazenê cinî ci de bicuyê' esas de wazenê bale biancê kêmbîyayîşê cinîyan ê sîyasetî de û kiştişê cinîyan. 2018an de 400 cinî ameyî qetilkerdiş. Aşma çele de 43 cinî ameyî qetilkerdiş. Ma wazenê bale biancê serê nê."

	 

	'Wareyî seba ma girîng ê'

	 

	Ruyaye arde ziwan ke 25ê teşrîna peyêne û 8ê Adare de seba ke cinî waştişê xo bîyarê ziwan girîng o û wina va: "Wexto ke kiştişê cinîyan û weçînayîş bêrê destgirewtiş, dimayê 8ê Adare hewayêke pozîtîf awan keno. Wexto ke cinî wareyan û kuçeyan de bê, kiştişê cinîyan zî kêm benê. Wextê wina de seba reaksîyon û hêrsê ma partîyê sîyasî vatişê pozîtîf anê ziwan. Vatişê sîyasetmedaran kiştişê cinîyan ser bi tesîr ê. Ma bi vatişê 'komel vuryeno, cuyayîş vuryeno' mesaj eşrawenê otorîteyê sîyasî rê yo."

	 

	'Seba rojê azadan têkoşîn lazim o'

	 

	Ruyaye veng da heme cinîyan ke 8ê Adare de kuçeyê Sakarya de saete 18.30an de verê heykelê ware de bêrê têhet û wina va: "Verê nê heta 8ê Adare do xeylê bernameyê ma bibê. Yewin 2ê Adare roja şeme saete 14.30an de Parkê Seymener, Parkê Kugular de vilaweke bêrê vilakerdene. 3ê Adare de do verê Kitabxaneyê Neteweyî yê Bahçelîevlerî de vilaweke bêra vilakerdene. Ma veng danê heme cinîyan ke seba rojê azad têkoşîn bikerê."