'Eke cinî biwazê eşkenê her karî de serkewte bibê'  

2019-02-28 12:46:53


	 

	Rojda Seyidxan - Diyana Mihemed

	 

	QAMIŞLO - Cinîyê Erebî ê ke Rotişê Lazgînî yê Kergan de xebityenê, dayî zanayîş ke ê reya ewil nê karî kenê û vatî: "Eke cinî biwazê eşkenê her kar de serkewte bibê. Pêwa heme zehmetîyan ma karê xo kenê."

	 

	Dimayê şerê Şorişê Rojawanê Kurdistanî sîstem vurya û cinîyan her ware de dest bi xebate kerdî. Seba azadîya cinîyan xebatê taybet ameyî kerdiş û cinîyê Ereb zî mîyanê warê cîya de cayê xo girewtî û xebityayî. Cinîyê Ereb  yê ke Rotişê Lazgîn ê Kergan de xebityenê ardî ziwan ke verê şorişî ê nêeşkayne bi hawayêke azad tê bigeyrê û wina vatî: "Nika ma bi hawayêke azad eşkenê xo îfade bikerê û hewl danê ke hetê ekonomî de serê lingan de vinderê. Çiqas zehmet bibo zî ma fek têkoşînê xo ra vera nêdanê. Wexto ke cinî biwazê eşkenê her karî bikerê."

	 

	'Ez destê xo verê tu kesî de anêkena'

	 

	Cinîya bi nameyê Fediwa Salima ke 19 serrî ya û mêrdeyê xo vera daya wina vana: "Seba ez her di domanê xo wey bikerî, ez qetî destê xo verê kesî de anêkena. Ez eşkena kar bikerî û cuyake newe seba xo û domananê xo awan bikerî. Saetê serê siba de ma dest bi xebate xo kenê, heta ver bi şan de dewam kenê. Ma hîrê cinî pîya xebatan meşnenê, karê ma yewbînan ra cîya yo. Ma xebateêke serkewte pîya kenê. Ma bi hêvîyêke wextêke nêzdî de xebatanê xo tewr hîra bikerê."

	 

	'Eke cinî biwazê eşkenê her karî de serkewte bibê'

	 

	Heto bîn ra Seayida Mihemeda ke emrê xo 50 serrî ya wina vana: "Seba reya verên cinî nê karî kenê, hîn zehmetî sere de estbî. La nika kar zaf baş derbaz beno. Ma zaf kêfweş ê û pîya xebate kenê. Eke cinî biwazê eşkenê her kar de serkewte bibê. Pêwa heme zehmetîyan ma karê xo kenê. Nika ma bi hawayêke azad eşkenê xo îfade bikerê û hewl danê ke warê ekonomî de serê lingan de vinderê. Çiqas zehmet bibo zî ma fek têkoşînê xo ra vera nêdanê. Wexto ke cinî biwazê eşkenê her karî bikerê."