
'Ma do bi ruhê xoverdayîşê cinîyê şorişgêr 8ê Adare pîroz bikerê' 

2019-02-27 14:03:32


	&nbsp;

	Şêrîn Zêrevan&nbsp;

	&nbsp;

	QAMIŞLO - Endama Îdarekera Kongreya Starî yê Kantonê Qamişloyî Şeha Xelîle derheqê çalakîyê xo yê 8ê Adare Roja Cinîyan ê Dinya de ajansê ma dir qisey kerde.

	&nbsp;

	Cinîyê Rojawanê Kurdistanî û Vakurê Sûrîye bi rayberîya Rêxistinbîyayîşê Cinîyan ê Kongreya Starî çalakîyê tewir bi tewir munasebetê 8ê Adare Roja Cinîyan ê Dinya organîze bikerê. Derheqê babete de Endama Îdarekerê Kongreya Starî yê Kantonê Qamişloyî Şeha Xelîle wina va: "Seba pawitişê heqê heme cinîyê dinya ma amadekerîyê xo kenê."

	&nbsp;

	'Emsar cinî û camêrdî pîya eşkenê beşdarê çalakî û xebetan bibê'

	&nbsp;

	Şehaye wina va: "Seba pawitişê heqê cinîyê dinya ma amadekarîyê xo kenê. Seba 8ê adare kar û xebatêke hîra yena kerdene, amadekarîyê pîl seba na roje estê. Seba ke na roje semedê cinîyan manayêke pîl esta. Bi taybetî zî cinîyê Vakur û Rojhelatê Sûrîye seba azadî mîyanê xoverdayîşêke pîl de yê. Endam û îdarekarê Kongreya Star temamê bajarok, qeza, bajar dest bi kombîyayîş û semîneran û pêşkêşkerdişê sinevîzyonê derheqê 8ê Adare kerdê. Serrê verênan de tena cinî beşdarê nê çalakîyan bîne, la emsar cinî û mêrde her di zî eşkenê beşdarê çalakîyan bibê û pîya kar û xebatan bidê meşnayîş. Eynî wextî de xeylê amadekarîyê bîn ameyê kerdiş seba çalakîyê cîya bêrê viraştiş. Temamê warê cinîyan bi fotografê Rayberê PKKî Abdullah Ocalan û hetê Kongreya Star û YPJî û bi sloganê cinîyan ameya xemilnayîş."

	&nbsp;

	'Ma do bi ruhê xoverdayîşê cinîyanê şorişgêr 8ê Adare pîroz bikerê'

	&nbsp;

	Şehaye bale ante serê têkoşînê cinîyanê şorişgêr û wina qedêna: "Hêvîya ma esta û ma do reyna goreyê bawerîya temamê cinîyan vejîyê meydanan. Ma do bi ruhê xoverdayîşê cinîyê şorişgêr 8ê Adare pîroz bikerê. Seba pawitişê heqê heme cinîyanê dinya ma amadekarîyê xo kenê. Ma do seba pawitişê heqê heme cinîyan vejîyê wareyan û bi sloganê azadîye xo ver bidê."

	&nbsp;

	&nbsp;

	&nbsp;

	&nbsp;