'Ma do bi ruhê xoverdayîşê pîl Efrîn bixelisnê' 

2019-02-26 14:01:36


	 

	Sorgul Şêxo

	 

	HESEKÊ - Endama Ofîsî ya Ciwanê PYDî Bêrîvan Esede derheqê amadekarîyê Konferansê Ciwanê PYDî de qisey kerde û va: "Ma do bi amancê xelisnayîşê Efrînî amadekarîyê xo dewam bikerê û konferansê xo organîze bikerê. Ciwananê xo bi rêxistin kenê û ma do Efrîn bixelisnê."

	 

	Endamê Ofîsê Ciwanê PYDî seba konferans û kombîyayîşê hîra xebatanê xo dewamkenê. Endama Ofîsê Ciwanê PYDî Bêrîvan Esede derheqê amadekarîyê Konferansê Ciwanê PYDî de qisey kerde û va: "Seba ameyoxêke tewr baş, xebatê başî lazim ê. Bi rêxistinbîyayîş û xebatê baş do Efrîn zî destê îşgalkerdoxan ra bêro xelisnayîş. Ma do bi ruhê xoverdayîşê pîl Efrîn bixelinê."

	 

	'Êdî Ciwanê PYD do bi nasnameyê xo yê sîyasî tê bigeyrê'

	 

	Bêrîvane amadekarîyê organîzekerdişê konferansî wina va: "Dimayê xebate serrêke do konferansê yewin ê Ciwanê PYDyî bêro organîzekerdiş. Ma sey ciwan xo newe ra awan kerd û serê komîteyê rêznameyî zerreyîn ê ciwanan de eynî wextî de îdareyê mintiqa, qeza û kantonî de xo birêxistin kerdê. Êdî Ciwanê PYDî do bi nasnameyê xo yê sîyasî têbigerê."

	 

	'Seba ke prosesê bîya de bibê cewab rêxistinê xo xurt kenê'

	 

	Bêrîvane dîyar kerde ke do ciwan bi rengêke çalak beşdarê konferansî bibê û rewşa bîyaye munaqeşe bikerê û çareserî kêmasîyan ra bivînê û wina va: "Ma nika Kantonan de kombîyayîşê hîra ciwanan dir organîze kenê. Pêşnîyarê ke vejîyenê do kombîyayîş de zî bêrê munaqeşekerdiş û bibê qerar. Yewin konferansê ciwanê PYDyî do Rojawan û Vakûrê Sûrîye de bêro organîzekerdiş."

	 

	'Cinîyê ciwan rolê xo mîyanê sîstemê hemserekî de zî gênê'

	  

	Bêrîvane arde ziwan ke cinîyê ciwan xo sewîyeyêke pîl de bi rêxistin kenê ke proseso bîyaye bibê cewab û wina dewam kerde: "Cinîyê ciwan rol û misyonê xo rêxistinê PYDyî de baş kay kerdo û kay keno. Êdî cinîyê ciwan cayê xo mîyanê sîstemê hemserekîye de zî gênê verê sîstemê ma yê pêroyî êdî beno hemserekî. Dewleta îşgalkerdoxê Tirkîya, Efrîn dagir kerd û şar bi zor koç kerdî. Amancê temamê ciwanan o yo ke Efrîn bixelisnê û Sûrîyêke merkez awan bikerê."