2. Konferansê HPCyî peynî bî 

2019-02-25 13:44:08


	 

	QAMIŞLO - 2. Konferansê Hêzê Pawitişê Komelî (HPC) ke bi siloganê ‘Vindarnayîşê çinkerdiş û qirkerdişî rayîrê xopawitişî ra derbaz beno’ ameybî destpêkerdiş û bi qeraranê muhîman peynî bî.

	 

	2. Konferansê Hêzê Pawitişê Komelî (HPC) ke bi siloganê ‘Vindarnayîşê çinkerdiş û qirkerdişî rayîrê xopawitişî ra derbaz beno’ qezaya Girkêlegî de merkezê kultur û hunerî yê Aram Tîkranî de bi tewrbîyayîşê 590 delegeyan ameybî destpêkerdiş, bi qeraranê muhîman peynî bî.

	 

	Badê ke raporê 3 serran yê kar û xebatan ame wendiş munaqeşeyê muhîm ameyî kerdiş. Qala xebat û kêmanîyan ame kerdiş, kêmanî ameyî rexnekerdiş û rexnedayîş ame dayîş. Konferans de ame vatiş ke ganî hêrişê modernîteya kapîtalîst ke hetê kultur, ehlaq, fîzîk û psîkolojî de komelî raştîya xo ra dûrî kenî, bêrî vindarnayîş. Ganî her raşte de rêxistinbîyayîş bêro xurtkerdiş. Ekolojî û azadîya cinîyan serê esasê perwerde û zanebîyayîşî de bêro esas girewtiş. Xopawitiş heqêko komelkî yo.

	 

	Netîceyê konferansî winayî:

	 

	1 - Hemverê hêrişanê teber û zerre de hêzê rêxistinkerde yê komelî reyde pawitişê dew, tax û bajaranê xo do esas bêro girewtiş.

	 

	2 - Averberdiş û pawitişê erjê komelî û neteweyî.

	 

	3 - Akerdişê dewreyê îdeolojîk û leşkerî

	 

	4 - Her endamêk goreyê ked û hunerê xo yê serkewte do hetê meclîsê rayîrberî ra bêrî wezîfedarkerdiş.

	 

	5 - Hêzê pawitişê komelkî de rêxistinkerdişê sîstemê xoser

	 

	6 -  Hemverê her tewir şîdet û zayendperestî de xutkerdişê têkoşînê cinîyan.

	 

	7 - Komîteyê hêzê pawitişê komelî û komîteyê pawitişî yê meclîsê şarî do mîyanê sîstemê rêxistinkerdişî de bigêrî û myanê kordinasyonî de xebatan bimeşnî.

	 

	Badê qeraranê Hêzê Pawitişê Komelî (HPC) seba herêma Cizîrî 63 ameyî weçînayîş. Konferans bi siloganê ‘Bicuyo Serek Apo’ û ‘Cinî cuye azadî’ peynî bî.