
Keyeyê hepsîyan: Ma nêwazenê zîndanan ra cenazeyan bigîrê 

2019-02-25 12:54:40


	&nbsp;

	AMED - Merdimê hepsîyan dîyar kerd ke ê nêwazenê cenazeyê domananê xo bigîrê û wina vatî: "Do şarê Kurd key wayîrê domananê xo vejîyê? Cuya Leyla û çalakgerê bînan destê ma de yo."

	&nbsp;

	Parlamentera HDPyî ya Colemêrgî û hemsereka KCDî Leyla Guvene ke bi amancê şiknayîşê tecrîdî 8ê teşrîna peyêne 2018an de kewtibî grev, çalakîya aye roja 110ê de dewam kena. Eynî wextî de çalakîya grevê vêşanî ya 300î tewr zêde hepsî zî ke bi eynî amancê dabî destpêkerdiş dewam kenê.

	&nbsp;

	Keyeyan dîyar kerdî ke ganî waştişê hepsîyan bi ca bîyarê û vengdayîşê 'ma wayîrê hepsîyanê xo vejîyê' kerdî.

	&nbsp;

	'Do şarê Kurd key wayîrê domananê xo vejîyê'

	&nbsp;

	Waya Înan Akinî ke 22 serrî yo tewqîfkerde yo û nika zîndanê Tîpa F yê Kurkçular de maneno, Asya Akine dîyar kerde ke ewnîyayîş û fikr se beno wa bibo ganî piştdayîş seba grevan bêro dayîş û va: "Eke yewîye bibo waştiş bi ca bêrê. Seba birayê xo zaf xemgîn bena. Vera îradeyê înan zî rêzdar a. Înan uca de ganê xo dayo verê mergî. Ma zî teber de tepiştiş nêdanê verê çiman. Ma 2012an de dî. Ma dî ke çi ame destkerdiş. Çira ma qezenc nêkerê? Şarê Kurd do key wayîrê domananê xo vejîyê. Leylaye 110 rojî yo grev de ya la hema kesî ra veng nêvejin o."

	&nbsp;

	'Nêwazena cenazeyê birayê xo bigîrî'

	&nbsp;

	Asyaye dewam de arde ziwan ke hîna ke zîndanan de cenaze nêvejîyayê, ganî seba çalakîyan piştdayîş bêro dayîş û va heta ke vera tedayan sere nêrowedartiş do çîyêk nêvuryo û va: "Waştişê hepsîyan heqdar û merdimayî yo. Ma veng bidê xoverdayîşê înan."

	&nbsp;

	21 rojî de 8 kîlo vindî kerd

	&nbsp;

	Berîvan Bîtmena ke 3 serrî yo hepsî ya nê prosesî de 3 rey kewte grevê vêşanî yê bêdem û bêagerayîş. Berîvane dimayê çalakîya Leylaye kewte grevê vêşanî û 55 rojî yo ke grev de ya. Waya aye Afîye Bîtmene da zanayîş ke Berîvane 55 rojî de 8 kîlo daya nika problemê weşîye cuyena û wina va: "5 embazê aye bîn zî bi aye dir grev de yê. Ma kesê ke ra çîyêk nêpawenê. La gerek wayîrê nê ciwanan vejîyê. Ma nêwazenê cenazeyî zîndanan ra vejîyê. Heme dinya Leylaye û grevê vêşanî vînenê. Ganî hîn çî bêrê kerdene. Bi temaşekerdiş nêbeno. Ma veng bidê hepsîyan. Ma bêveng nêmanê."

	&nbsp;