
Nêzelalbîyayîşê dadgehe ya derheqê Berjîn Demîrkayaye 

2019-02-24 09:41:24


	&nbsp;

	ŞIRNEX - Cizîr de wextê qedexeyê tebervejîyayîşê kuçeyan ke ame cuyayîş de bi seyan kesî bodrumê awanîyande ameyî qetilkerdiş û serê merdişê înan de 3 serrî derbaz bi. Berjîn Demîrkayaye ke aye zî bodruman de amî qetilkerdiş û tena bedenê aye ra parçeyêke mend, dosya aye serrêke yo yena pawitiş.

	&nbsp;

	Cizîrê Şirnexî ke 14ê Kanûna 2015 de 'Qedexeyê Tebervejîyayîşê Kuçeyan' ame îlnakerdiş û 2ê Adara 2016an de beşêke qedexe ame wedartiş. Taxê Cudî û Sûrî, kuçeyê Bostanci, Narîn û Akdenîzî de hîrê bodrumê awanîyan de 23 ci ra domanî 117 kes bi çekê giranan ameyî qetilkerdiş. Endama Kongreya Cinîyanê Azad (KJA) ke bi KHK ame padayîş, Berjîn Demîrkayaye zî bodrumê kuçeyê Bostanci de amîbî veşnayîş û qetilkerdiş.

	&nbsp;

	6 parçeyî cenazeyê aîdê 4 kesan vejîya

	&nbsp;

	Waya Berjîne dîyar kerde ke 'ê morg bi morg bedenê veşnaye geyrayê' û eynî wextî de Kanûnê 2017an de zî qerarê bêtaqîbkerdişî dayî serê dosya. Endamîya aye ya KJA zî qerar de sey ‘endamîya rêxistine’ amî qalîkerdiş û avûkatan seba nê îtîraz kerdibî. 12ê Sibata 2016an de bodrumê kuçeyê Hûmara 23 yê awanîya kuçeyê hûmara 23ine (C-3095) Bostanci ya taxa Cudî de cenazeyê 17 kesê ke ameybî veşnayîş 6 parçe kerdibî yew çuwal û dima ra berdibî Nêweşxanayê Dewlete ya Cizîrî, 6 parçeyê bedenî zî seba otopsî eşrawitî Dîlok û vejîya meydan ke parçe aîdê 4 kesan o.

	&nbsp;

	Hîrê cinî 3 aşmî verê yewbînan de mendî, wextê definkerdişî visyayî

	&nbsp;

	Waya Berjîne o wext roportaj dabî û vatibî: "Embaza xo Sakîne kerdebî xo verike û cuya xo vindî kerdebî. Coka ma cenazeyê înan yewbînan ra nas nêkerd." Ciwalo ke cenazeya Berjîne vejîya de, cenazeyê Gulîstan Eylem Ustun, Sakîne Şîray û cenazeyêke ma nêzanê aîdê kamî ya estbî. Cenazeyê ke seba otopsî eşrawitî Dîlok û otopsîyê înan ame kerdene eynî roje de seba mudirê goristanî waştişname '15 rojan de nêrê tespîtkerdiş defin bikerê' nuştî. 13 rojî ra dima cenaze ameyî teşîskerdiş û teslîmê keyeyan kerdî. Goreyê welatîyan ra hîrê cinî eynî ca de cuya xo vindî kerdê û definkerdiş de yewbînan ra visyayê.

	&nbsp;

	Dosyayê di cinîyan bêtaqîbkerdiş dayî ser. Dosyayê xebatkara NÇMî Gulîstan Eylem Ustune eşrawitî Dadgeha Desturê Bingehîn û seba Berjîne zî serra vîyarte de aşma Adare de qerarê bêtaqîbkerdiş ame dayîş. Sebebê seba qerarê bêtaqîbkerdiş ameyo dayîş zî, cayê cîya de derheqê Berjîne de 5 cigêrayîş ameyê kerdiş û endama KJAyî ya.

	&nbsp;

	&nbsp;