
Xoverdayîşê Leyla Guvene kewt roja 106ine  

2019-02-21 15:59:08


	&nbsp;

	AMED - Xoverdayîşê hemsereka KCDyî û Parlementera HDPyî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dest bi grevê vêşanîye yê bêdem û anêgêrayîşî kerdbî, kewt roja 106ine. Sewbîna çalakîyê grevê vêşanîye ke seba eynî waştişan dest pêkerdbî zî bi qerardarî dewam kenî.

	&nbsp;

	Xoverdayîşê çalakîyê grevê vêşanîye yê bêdem û anêgêrayîşî ke bi serkêşîya hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene dest pêkerdbî dewam kenî. Xoverdayîşê Leyla &nbsp;Guvene 106 rojan xo dima vera da. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena. Ganî bêro vîrvistiş ke rewşa weşîya çalakgeran her ke şona xidar bena.

	&nbsp;

	Şebnem Korur Fîncancî Leylaye muayene kerde&nbsp;

	&nbsp;

	Leyla Guvena ke mudaxeleyê Tibî red kena, vizîr keye xo yê hetê Sereka Pêroyî ya Weqfê Heqê Merdiman ê Tirkîya (TÎHV) û pispora Tipê Edlî Prof. Dr. Şebnem Korur Fîncanci ra amî muayenekerdiş. Şebnem dimayê ke Leylaye muayene kerd derheqê rewşa aye de îzahat da çapemenî û bale ante serê xetereyê weşîye Leylaye.

	&nbsp;

	Çalakîyê grevê vêşanî dewam kenê&nbsp;

	&nbsp;

	Sewbîna çalakîya endamê HDPyî Nasir Yagirzî ke seba eynî taleban Hewlêrî de dest bi grevê vêşanîye kerdbî zî kewte roja 93. Çalakîya 14 çalakgeranê bajarê Strasboûrgî yê Fransa û Îmam Şîşî yê Gallerî zî kewte roja 67. Grevê vêşanîye yê bêdem û anêgêrayîşî ke zindananê bakurê Kurdistan û Tirkîye de bi tewrbîyayîşê 300 hepsîyan dest pêkerdbî zî roja 68. xo dima vera da. Sewbîna Mexmûr, Hewlêr, Şengal û xeylê cayanê cîya-cîyayan de zî seba piştîdayîşê grevê vêşanîye çalakîyê grevê vêşanîye pê yenî.

	&nbsp;

	Nika pêropîya zindanan de 300 ra zêde hepsîyê sîyasî grevê vêşanîye yê bêdem û anêgêrayîşî de yî.&nbsp;

	&nbsp;