'Dermanê tebîî benê çareserkerdişê heme problemê weşîye'  

2019-02-18 13:58:08


	 

	Şêrîn Zêrevan

	 

	HESEKÊ - Cinîyê ke dewa cinîyan ke bi nameyê JINWARî de manenê, perwerdeyê viraştişê dermanê tebîî vînenê. Cinîyê ke perwerdeyê viraştişê dermanê tebîî vînenê wina vanê: "Dermanê tebîî benê çareserîyê heme problemê weşîye."

	 

	Dewa cinîyan bi nameyê JINWARî de xeylê xebat û çalakiyê bingehê xizmetê komelî û ameyoxî kenê yenê kerdene. Cinîyê ke dewa JINWARî de manenê û perwerdeyê viraştişê dermanê tebîî vînenê vatî: "Weşîya merdiman zaf girîng a. Coka ganî ma her wext seba weşşîyêke baş bixebitîyê. Na xebate seba weşîyêke baş seba ma zaf erjîyaye ya."

	 

	'Dermanê ke ma vaş ra virazenê dermanê kîmyayî ra tewr baş ê'

	 

	Cinî Bajarê Serêkanî û bi namyê Sakîne Saliha wina va: "Ma nebatê tebîî dermanan virazenê. Nê dermanê ke ma virazenê seba xoza zaf baş ê. Seba ke zimistanî nêweşî zêde beno coka ma tewr zêde nika dermanê seba nêweşîyê zimistanî viraznenê. Domanî zî gelek nêweş konê û lewê înan benê birîn. Dermanê ke ma vaşan ra viraznenê, dermanê kîmyayî tewr baş ê."

	 

	'Mi zaf waştêne dermanê tebîî viraznî'

	 

	Maya di domanan Emîra Mihemeda ke Dewa Hacoglî ke girêdayê bajarê Dirbêsîye û 1in cinîya ke cayê xo Dewa Jinwarî de girewta wina va: "Ez zaf kêfweş bîya ke ez perwerdeyêke wina feydeyîn de ca girewt. Verê zî mi zaf waştêne, ez dermanan viraznî û mi nê zî dewa Jinwarî de kerd. Ma nê dermanan bi destê xo viraznenê û ma zanê derman senîn yenê viraştiş. Seba ke nê dermanî tebîî yê seba weşîye zî baş ê. Mi destpêk de xo ra va, senîn ez do dermanê tebîî bimusî. Mi va qey çîyêke zaf zehmet o û mi xo ra bawer nêkerdêne, la ez xeylê dermanê cîya musaya. Dimayê ke êi dî perwerde hende feyde dano mi, mi waşt ke bi aşman dewam bikero ke ez dermanan domanan rê û derûdorê xo rê viraznî."

	 

	Tewr peyîn Emîraye veng da heme cinîyan ke xo bimusnê viraştişê dermanê tebîî.