'Tecrîd bêhuquqî, bêvengî zî bêwijdanî yo' 

2019-02-16 09:54:01


	 

	WAN - Cinîyê Wanî reaksîyon nîşanê bêvengîyê komelî ke vera çalakîya grevê vêşanîya Leyla Guvene hemverê tecrîdî daya destpêkerdiş û roja 101ê de dewam kena, dayî û vatî: "Verê her çî tecrîd bêhuqîqîyo û vatî: "Verê her çî tecrîd bêhuqîqîyo. Vera nê bêvengmendiş zî bêwijdanîyê tewr pîl o. Êdî bes o. Hema ke çîyêke bi kesêke nêbîyo ganî ma vejîyê kuçeyan."

	 

	Çalakîya grevê vêşanîye ya parlamentera HDPî ya Colemêrgî û hemsereka KCDî Leyla Guvene ke seba wedartişê tecrîdê serê Rayberê PKKî Abdullah Ocalan, dabî destpêkerdiş roja 101ê de dewam kena. Pêwa çalakî kewta roja 101 zî hukmatê AKPyî derheqê waştişan de hîna gamêke nêeşto.

	 

	Çalakîya koma vernê ke zîndanan de ame destpêkerdene kewte roja 63, çalakîya temsîlkarê HDPyî ê Hewlêrî Nasir Yagizî kewte roja 88ine, bajarê Strasbourg ê Fransayî zî çalakîya 14 kesî dabî destpêkerdene kewte roja 62ine, Gallerî de zî çalakîya Îmam Şîşî kewte roja 62ine, Mexmur de zî çalakîya endama Meclîsê Îştarî Fadîle Toke kewte roja 28 û hemseraka DBPyî Sebahat Tuncel û parlamentera verê ya HDPî ya Colemêrgî Selma Irmake zî kewte roja 33ine.

	 

	'Tecrîd bêhuquqî yo'

	 

	Fadîle Eyteya qezaya Tuşbayê Wanî de cuyena dîyar kerde ke bêhuquqîyê tecrîdî fermîyo û wina va: "No welatî de her kes wayîrê heqî yo û ganî no heq heta peynî bêro xebitnayîş. Tecrîd verê heme çî bêhuquqîyo û sûcê merdimayî yo. Ma nêwazenê grevê vêşanîye bi merdişan netîce bibê. Bêvengîyê vera nê bêwijdanîyêke pîl o. Seba ke tecrîd peynî bibo ganî ma xo ver bidê."

	 

	'Vera nê bêvengî êdî bes o'

	 

	Şefîka Dayane zî da zanayîş ke ganî şar tewr zêde vejîyo kuçeyan û wayîrê hepsîyan û Leyla Guvene vejîyê û wina va: "Heta 2 sal verê şar kuçeyan de bi. Ça de yo qerebalixê o wext? Nê bêvengî rê êdî bes o. Gerek ma veng bidê vengê Leyla Guvene. Wa şarê Kurd wirzo serê lingan."

	 

	'Ganî merdimî biherikîyê kuçeyan'

	 

	Husna Guneşe zî arde ziwan ke ganî êdî dayîk û pî dej nêancê û wina va: "Leyla zî dayîkêke ya. Qelbê dayîke aye xo ver nêda û cuya xo vindî kerde. Dayîkê hepsîyan zî estê. Wa zerrîya înan nêveşîyo. Ganî êdî her kes veng vejo. Ganî her kes biherikîyo kuçeyan."

	 

	Songul Işike zî da zanayîş ke her ke bêvengî dewam bikero, do merdişî virazîyê û wina va: "Ewro çîyêke bi Leyla bibo do wijdanê ma kesî rehet nêkero. Îqtîdar xêrcê şer û hesîre çîyêke nêdano. Ganî heme cinî vernîye qirkerdişan bigîrê. Ganî ma dest bidê yewbînan û tecrîd peynî bikerê."