Amed de 'Ablukaya roja 100.' 

2019-02-15 15:12:35


	 

	AMED - Parlamenterê HDPyî yê ke rayraşîyayîşo ke 15 bajaran ra bi sloganê ‘Roja 100. de ma şinê cayê Leyla û tecrîdî şiknenê‘ ame viraştene ra dima, rixmê heme hêrişan resayî Amed, binê ablukaya polîsan de yê. Salîha Aydenîze hêrişê polîsan de bîye birîndar.

	 

	Parlamenterê HDPyî yê ke 15 bajaran ra ver bi Amedî semedê paştîdayîşê  Leyla Guvena ke 100 rojî yo semedê wedartişê tecrîdê serê Raryberê Şarê Kurdî Abdullah Ocalanî grevê vêşanîye de ya, rayraşîyeyîşêk viraşt, rixmê hêrişê polîsan resayî Amed.

	 

	Parlamenterê HDPyî bajaranê Colemêrg, Wan, Qers, Bedlîs, Agirî, Mûş, Şirnex, Mêrdîn, Sêrt, Êlîh, Dêrsim, Çewlîg û Riha ra   hewt hetan ra rayraşîyayîşî dayîbî destpêkerdene.

	 

	Parlamenterê ke rayraşîyayîşî de ca girewt wina yê: Hasan Ozguneş, Nuran Îmîre, Huseyîn Kaçmaz, Ebru Gunaye, Pero Dundar, Tuma Çelik, Sıddık Taş, Feleknas Uca, Ayşe Acar Başarane, Necdet İpekyuz, Salîha Aydenîze, Sait Dede, Habib Eksîk, Muazzez Orhane, Murat Sarisaç, Tayyîp Temel, Abdullah Koç, Dîlan Dîrayet Taşdemîre, Şevîn Coşkune, Mensur Îşik, Erdal AydemÎr, Kemal Bulbul, Alîcan Onlu, Mahmut Togrul, Ayşe Surucu û Nûsrettîn Maçîn.

	 

	Merkezê bajarî binê abluka de yo

	 

	Parlementerê HDPyî ke binê hêrişê polîsan û dewlete de rayrayîşî viraşte do vernîya banê Leyla Guvene de eşkerayîyêk bidê. Amed de banê Leylaye û banê HDP û DBPyî bi rojanê binê ablûka de yê. Salîha Aydenîza ke Wan de raştê hêrişê polîsan ameyîbî, polsan reyna hêrişê ci kerd biyê birînda û ameye berdene bi nêweşxane. Hetê bînî ra polîsî rojnamegerna rê zî astengîye vejenê.