
Koma şîîre û wendişî ya Amedî bername organîze kerdî 

2019-02-15 15:02:58


	&nbsp;

	AMED - Koma Wendiş û Şîîre ê Amedî, çarçeweya Roja Hîkayeyan ê Dinya de bernameyêke organîze kerdî û serê hîkayeyan de terraqe ame kerdene. Bername de beşdaran hîkayeyê verên vatî. Eynî wextî de Saya Mêxikrêja ke kulturê kurdan de kan a zî amî viraştiş.

	&nbsp;

	Koma Wendişî û Koma Şîîran ê Amedî seba 14'ê Sibate Roja Hîkayeyan ê Dinya bernameyêke organîze kerd. Bername Weşanxaneyê J&J ame kerdene û nuştox-hîkayevatox Dilawer Zeraq û hîkayevatox Belkisa Bîtkîne sey qiseykerdoxe beşdarê bername bî. Eynî wextî de ziwanzan Samî Tan, nuştox-hîkayevatox Şêxo Filîk û endamê koman zî beşdar bî.

	&nbsp;

	'Çîyê ke ma nêvînenê hîkaye yê'

	&nbsp;

	Nuştox Dilawer Zeraq qalê tarîxê hîkaye û awanbîyayîşê hîkayeyê kurdî kerd û va çîyê ke nînê vînayîş û kesê xemê xo nêkenê babeta hîkayeyan ê. Dilawerî da zanayîş ke hîkaye kulturê kurdan de wayîrê cayêke girîng de ya û serê persê beşdaran de vindert û cewab da.

	&nbsp;

	'Mi bi vatişê seba domananê xo dest pêkerd'

	&nbsp;

	Hîkayevatoxe Belkisa Bîtkîne zî arde ziwan ke aye domananê xo dir dest bi hîkaye kerda û va: "Ez mayêke bîya û mi her wext domananê xo rê mi hîkaye vatêne. Mi wina dest pêkerd. Her netew bi ziwanê xo cuyeno û babeta hîkaye zî seba ziwan û kulturê ma girîng a.”&nbsp;

	&nbsp;

	Eynî wextî de kesê beşdarê bername bî hîkayeyê verên vatî û Saya Mêxikrêjî zî viraştî. Sayê sûr û zerdî bi qerenfîlan ameyî xemilnayîş.

	&nbsp;

	&nbsp;

	&nbsp;