'Ma sebe Serekê xo fek têkoşîn ra vera nêdanê' 

2019-02-15 13:38:36


	 

	Sorgul Şêxo   

	 

	HESEKÊ - Maya têkoşer Jinda, Hemdîye Kutê ke 1995an de Akademîya Mahsun Korkmazî û 1997an de Şam de bi Rayberê PKKî Abdullah Ocalanî dir pêvînayîş kerda wina va: "Bi vînayîşê Rayberê xo hewnê mi bi ca ameyî. Ewnîyayîşê mi dinya vurya."

	 

	Maya Têkoşer Jînda, Hemdiye Kutê aye ke 1995an de Akademîya Mahsun Korkmaz û 1997an de Şam de bi Rayberê PKKî Abdullah Ocalanî dir pêvînayîş kerda wina va: "Şexsîyetê sey Rayber Apo yê ke seba azadî xo ver danê, ganî azad bibê."

	 

	'Mi sozê ke dabi Rayberê xo bi ca ard'

	 

	Hemdîyeye wina va: "Wexto ke reya yewin mi Rayber Apo dî, mi va qey ez hewnêke de ya. Mi sozê ke dabi Serek bi ca ard û mi keyeyê xo perwerde kerd. Ma pîya xo aver berd. Serekê ma her wext vatêne, xo birêxistin bikerî û aver berî. Eynî wextî de seba cinîyan zaf pozîtîf qisey kerdêne û vatêne cinî xebatker ê. Rayberê ma wazeno cinî bi şexsîyetêke azad bicuyê. Ewro cinîyê Rojawanê Kurdistanî bi rayîrê Rayberê ma kerdî û yewîya xo awan kerdî."

	 

	'Ma seba Serekê xo fek têkoşîn ra vera nêdanê'

	 

	Hemdîyeye veng da heme kesî ke seba azadîya Abdullah Ocalanî wirzê serê lingan û wina va: "Rayber Apo vatêne, wexto ke babete bena Kurdî heme neyarê înan benê yew. Coka Kurdî zî vera neyaranê xo bibê yew. Bi yewîye do faşîzm vindî  bikero. Komplo serê temamê kurdan de ame kerdene. Coka ma vera faşîzmî sere wedarnê. Ganî ma têkoşînê xo girs bikerê û Rayber Ocalan azad bikerê. Bi vînayîşê Rayberê xo hewnê mi bi ca ameyî. Ewnîyayîşê mi dinya vurya. Şexsîyetê sey Rayber Apo yê ke seba azadî xo ver danê ganî azad bibê."