Edene û Amed de xeylê kesî ameyî tepiştene

2019-02-14 14:07:53


	 

	EDENE/AMED - Polîsan Edene û Amedî de eştî serê xeylê keyeyan. Polîsan netîceyê sereştişê keyeyan de xeylê kesî tepiştnayî.

	 

	Polîsê Edene saetanê serê sibayî de eştî serê 38 adresan. Çarçeweya tehqîqatê Serdozgerîya Komarî ya Edene de polîsan eştî serê keyeyan û netîceyê sereştişê keyeyan de tewr kêm 16 kesan tepiştî. Ame zanayene ke polîsan bi asinan berê hemwelatîyan şikitî û keyeyan de cigêrayîş kerdî. Kesê ke ameyî tepiştene berdî Mudirîya Polîsan ya Edene. Ame îdîakerdene ke kesê ke ameyî tepiştene ‘Hadreyîya çalakîyê 15ê Sibate kerdî.’

	 

	Amed de xeylê kesî ameyî tepiştiş 

	 

	Merkezê Amedî de zî serê siba polîsan eşt serê xeylê keyeyan. Eştişê serê keyeyan de xeylê welatî ameyî tepiştene. Yeno vatiş ke operasyon bi sebebê parekerdişê medyaya komelî ameyo kerdene. Kesê ke ameyê tepiştiş Mudirê Polîsan ê Amedî de yenê tepiştene.