
Rayşîyayîşê parlamenteran Mêrdîn de ame qedexekerdene 

2019-02-14 13:34:03


	&nbsp;

	MÊRDÎN - Parlamenterê HDPyî waştî ke qezaya Nisêbînî ra seba piştîdayîşê Leyla Guvene ver bi Amedî vejîyî rayîr. Polîsan hêrîşe kerdî û Parlamenterê Şirnexî Huseyîn Kaçmazî pê cop derb kerdî. Parlamenterê Mêrdînê Pero Dundar zî hêrîş de birîndar bî.&nbsp;

	&nbsp;

	Parlamenterê Partîya Demokratîke ya Şaran (HDP) yê Mêrdîn û Şirnexî waştî ke qezaya Nisêbînî ya Mêrdînî ra bi siloganê ‘Roja 100. De Ver Bi Leyla ra, Ma Do Tecrîd Bişiknî’ ber bi Amedî rayîrşîyayîşêk birazî. Polîsan qezaya Nisêbînî de parlamenteran asteng kerd û hêrîşê înan kerdî.

	&nbsp;

	Parlamenterê HDPyî yê Şirnexi Nuran Îmîr, Huseyîn Kaçmaz û Hasan Ozguneş vizêr Şirnexî ra vejîyayî rayîr û ewro awanîya HDPyî ya Nisêbînî de Parlamenterê HDPyî yê Mêrdînî Pero Dundar, Ebru Gunay û Tuma Çelîke reyde resayî yewbînan. Saetanê serê sibayî de polîsan bi wesayîtanê zirxî dormeyê awanîya HDPyî padayî. Mudirê Emnîyeta Nisêbînî û Qeymeqamê Nisêbînî zî tewrê polîsan ameyî verê awanî.

	&nbsp;

	Badê demêk parlamenterê HDPyî û rayîrberê HDPyî awanî ra vejîyayî û waştî ke ver bi Amedî ra rayîr şêrî. Aye wextan de polîsan bi mertalan dormeyê awanîya HDPyî tepiştî û rayîrşîyayîşê parlementeran asteng kerdî. Parlamenterî polîsan reyde kewtî munaqeşe û rayîrşîyayîşê xo de israr kerdî. Labelê polîsan destûr nêdayî munaqeşe û hêrişê parlementeran kerdî. Polîsan bi mertal û copan hêriş kerdî. Mîyanê hêrişan de polîsêk xeylê reyan pê cop hêrişê parlamenter Huseyîn Kaçmaz derb kerd. Hêrişan de destê parlamenter Pero Dundarî mabenê mertalan de mend û giştanê xo ra birîndar bî.

	&nbsp;

	Her çiqas ke polîsan hêriş bikerî zî parlementeran hemverê cop û mertalan de xo ver dayî. Badê hêrişê polîsan parlamenterî seba dîyarkerdişê rewşe derbazî awanîya partîya xo bîyî.&nbsp;