
Çalakîya grevê vêşanîye ya Leylaye roja 97. de dewam kena 

2019-02-12 13:31:20


	&nbsp;

	AMED - Rewşa weşîya hemsereka KCDyî û parlementera HDPyî Leyla Guvena ke çalakîya grevê vêşnîye de ya û çalakîya xo roja 97. de dewam kena, çend şona xirabêr bena.

	&nbsp;

	Çalakîya grevê vêşanîye ke hemverê tecrîdkerdişê Rayberê PKKyî Abdullah Ocalanî de bi serkêşîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke dest pêkerdbî, roja 97. de dewam kena. GLeylaye seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene, 8ê Teşrîna Peyêne de Zindanê Amedî de dest bi grevê vêşanîye kerdbî û badê ke 25ê Çele de serbest ameybî veradayene keyeyê xo de çalakîya xo dewam kena.

	&nbsp;

	Weşîya Leylaye çend şona xirabêr bena

	&nbsp;

	Rewşa weşîya Leylaye çend şina xirabêr bena. Ame vatene ke, tansîyonê Leylaye zaf kewto, bêhal bîya, &nbsp;problemê sey hewnî, &nbsp;zor şimitişê &nbsp;awe, krampê madeyî estî û hemverê boye û roşinî de zêde hesasbîyayîş virazîyayê.

	&nbsp;

	Roja 100. de do çalakî bêro kerdene

	&nbsp;

	Çarçeweya çalakîyanê HDPyî de do roja 100. yê çalakîya Leyla Guvene ke kewena 15ê Sibate de do 15 bajaran de rayîrşîyayîş bêro organîzekerdene. Rayîrşîyayîş do Colemêrg, Wan, Qers, Idîr, Bedlîs, Agirî, Mûş, Şirnex, Mêrdîn, Sêrt, Êlih, Dêrsim, Çewlîk, Dîlok û Riha de 7 hetan ra bêro dest pêkerdene û verê keyeyê Leyla Guvena ke Baglara Amedî de ronişena saet 12.00î de do îzehet bêro dayene.

	&nbsp;

	Çalakîya grevê vêşanîye dewam kenî

	&nbsp;

	Sewbîna çalakîya Endamê Meclîsê HDPyî Nasir Yagizî ke Hewler bi eynî taleban dest pêkerdbî zî roja 84. de, çalakîya grevê vêşanîye ya Strasbaurgî û ya Îmam Şîş yê Gallerî roja 58. de, çalakîya koma ewil ke 16ê Kanûne de zindanan de dest pêkerdbî roja 57. de, çalakîya endama Meclîsê Îştar ya Mexmûrî Fadîle Toke roja 24. de û çalakîya Hemsereka DBPyî Sebahat Tuncel û parlamentera HDPyî ya Colemêrgî ya verê Selma Irmake zî roja 29. dewam kena.

	&nbsp;

	Nika pêropîya zindanan de 281 ra zêde hepsîyê sîyasî grevê vêşanîye yê bêdem û anêgêrayîşî de yî.&nbsp;