Cinîyê Qamişloyî: Do îradeyê şaran serkewte bibo 

2019-02-12 12:31:19


	 

	Rojda Seydxan

	 

	QAMIŞLO - Cinîyê Qamişloyî derheqê 15ê Sibate Komployê Mîyanneteweyî de dîyar kerdî ke komployê mîyanneteweyî nêresayo amancê xo û wina vatî: "Do îradeyê şaran ê azad serkewte bibo. Ma her wext vera tecrîd û komployan xo ver bidê û ma do seba Rayberê xo ganê xo feda bikerê."

	 

	15ê Sibata 1999an de Rayberê PKKyî Abdullah Ocalanî bi komployêke mîyanneteweyî teslîmê Tirkîya ame kerdene. Serê komploya mîyanneteweyî ra 20 serrî derbaz bi. Seba azadîya Abdullah Ocalanî bi milyonan kes bi serran o mîyanê çalakîyan de yê. Seba tecrîdo giran peynî bibo, çalakîyê tewir tewir yenê kerdene. Derheqê babete de cinîyê Qamişloyijan vatî: "Ma komployê mîyanneteweyî şermezar kenê. Heta ke Rayberê ma azad nêbo, ma fek têkoşîn û çalakîya xo ra vera nêdanê."

	 

	'Heta ke Rayberê ma azad bibo ma do serê lingan de bê'  

	 

	Cinîya bi nameyê Semîra Hesene wina va: "Rayber Apo îrade û hêzê ma yo, ma bi felsefeyê ey ê azad xurt benê. Cinîyê azadîwaşt û têkoşer î do her roje mîyanê çalakî û tevger de bê. Heta roja azadîya Rayberê ma bêro, ma do serê lingan de bê."

	 

	'Ma cinî pîya ma do Rayberê xo azad bikerê'

	 

	Emîna Remezane zî wina va: "Ma cinî pîya Rayberê xo azad bikerê. Azadîya Rayberê ma azadîya ma ya. Ma do seba Rayberê xo her wext têkoşîn bikerê û mîyanê çalakîyan de bê. Ma nêheqîyê ke Rayberê ma rê yenê kerdene qebul nêkenê û tecrîd şermezar kenê."

	 

	'Do îradeyê şaran ê azad serkewte bibo'

	 

	Tewr peyîn Fatima Mehmûde wina va: "Komployê mîyanneteweyî ke serê Rayberê ma ame kerdene qebûl nêkenê û no komplo nêresa amancê xo. Do îradeyê şaran ê azad serkewte bibo. Ma her wext vera tecrîd û komployan xo ver bidê û seba Rayberê xo ganê xo feda bikerê. Ma komployê mîyanneteweyî şermezar kenê. Heta Rayberê ma azad nêbo ma fek têkoşîn û çalakîya xo ra vera nêdanê."