
Çalakîya grevê vêşanîye ya Leylaye roja 96. de ya  

2019-02-11 14:12:43


	&nbsp;

	AMED - Çalakîya Hemsereka KCDyî Leyla Guvena ke seba wedarnayîşê tecrîdkerdişê Rayberê PKKyî Abdullah Ocalanî kewtbî grevê vêşanîye roja 96. de dewam kena.

	&nbsp;

	Çalakîya grevê vêşanîye ke hemverê tecrîdkerdişê Rayberê PKKyî Abdullah Ocalanî de bi serkêşîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke dest pêkerdbî, roja 96. de dewam kena. Leylaye badê ke 25ê Çele de serbest ameybî veradayîş keyeyê xo de çalakîya xo dewam kena.

	&nbsp;

	Leylaye seba wedarnayîşê tecrîdo girankerde ke serê Rayberê PKKyî Abdullah Ocalanî de yeno meşnayene, 8ê Teşrîna Peyêne de Zindanê Amedî de dest bi grevê vêşanîye kerdbî û dima ra çalakîya aye vilayê zindanan, Tirkîye, Hewlêr, Fransa, Mexmûr, Şengalî û xeylê cayan bîye.

	&nbsp;

	Roja 100. de qerarê çalakîyan

	&nbsp;

	Çarçeweya çalakîyanê HDPyî de do roja 100. yê çalakîya Leyla Guvena ke kewena 15ê Sibate de do 15 bajaran de rayîrşîyayîş bêro organîzekerdene. Rayîrşîyayîş do Colemêrg, Wan, Qers, Idîr, Bedlîs, Agirî, Mûş, Şirnex, Mêrdîn, Sêrt, Êlih, Dêrsim, Çewlîk, Dîlok û Riha de 7 hetan ra bêro dest pêkerdene û verê keyeyê Leyla Guvena ke Baglara Amedî de ronişena saet 12.00î de do îzehet bêro dayene.

	&nbsp;

	Weşîya Leylayê têk şona

	&nbsp;

	Rewşa weşîya Leylaye çend şina xirabêr bena. Ame vatene ke, tansîyonê Leylaye zaf kewto, bêhal bîya, problemê sey hewnî, zor şimitişê awe, krampê madeyî estî û hemverê boye û roşinî de zêde hesasbîyayîş virazîyayê.

	&nbsp;

	Çalakîya grevê vêşanîye dewam kenî

	&nbsp;

	Sewbîna çalakîya Endamê Meclîsê HDPyî Nasir Yagizî ke Hewler bi eynî taleban dest pêkerdbî zî roja 83. de, çalakîya grevê vêşanîye ya Strasbaurgî û ya Îmam Şîş yê Gallerî roja 57. de, çalakîya koma ewil ke 16ê Kanûne de zindanan de dest pêkerdbî roja 58. de, çalakîya endama Meclîsê Îştar ya Mexmûrî Fadîle Toke roja 23. de û çalakîya Hemsereka DBPyî Sebahat Tuncel û parlamentera HDPyî ya Colemêrgî ya verê Selma Irmake zî roja 28. dewam kena.

	&nbsp;

	Nika pêropîya zindanan de 281 ra zêde hepsîyê sîyasî grevê vêşanîye yê bêdem û anêgêrayîşî de yî.&nbsp;

	&nbsp;